2019-07-19 19:06:24, 1558 ნახვა
საზოგადოება
პაატა სალია „რუსთავი 2“-ში აუდიტის ჩატარებას გეგმავს
ტელეკომპანია „რუსთავი 2“-ის ახლადარჩეული დირექტორი პაატა სალია არხში აუდიტის ჩატარებას გეგმავს.
სალია დღეს ტელეკომპანიის სხვადასხვა დეპარტამენტების ხელმძღვანელებს შეხვდა.
„შევხვდი კიდევ ერთხელ ირაკლის, ფინანსური სამსახურის უფროსს და ასევე, აუდიტის სამსახურის უფროსს, შიდა აუდიტის კომპანიის, თეას. გვქონდა საუბარი, გამაცნეს არსებული სიტუაცია. ქიბარ ხალვაშს ჰყავს თავისი წარმომადგენელი, ანუ კონსულტანტი, რომელიც ამ საკითხებში უნდა დამეხმაროს, გარკვეული საკითხების გარკვევაში, ინფორმაციის მიღებაში და შესაბამისად, ამ პროცესში ვართ ახლა, სამუშაო პროცესში. ჩვენ გვინდა მოვამზადოთ კომპანიაში არსებული ინფორმაცია იმისთვის, რომ ჩატარდეს კვალიფიციური აუდიტი საერთაშორისო კომპანიის მიერ“, - აღნიშნა სალიამ.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
