"რუსი კანონმდებლები საქართველოდან სხვადასხვა სახის საქონლის იმპორტის აკრძალვის შესაძლებლობას განიხილავდნენ, თუმცა დღეისათვის ე.წ. ღვინის სანქციების თემა ამოწურულია", - ამის შესახებ რუსეთის საგარეო საქმეთა მინისტრის მოადგილემ გრიგორი კარასინმა "რია ნოვოსტისთან" ინტერვიუში განაცხადა.

როგორც კარასინმა აღნიშნა, მრავალი წლის განმავლობაში რუსეთის წინააღმდეგ არაერთი ტიპის სანქცია ამოქმედებულა და დღემდე მოქმედებს, ამიტომ ოფიციალური მოსკოვი სხვა ქვეყნების მიმართ ასეთი ზომების მიღებას სიფრთხილით ეკიდება.

"ივნისის ბოლოს და ივლისის დასაწყისში სახელმწიფო სათათბიროში იყო მსჯელობა იმასთან დაკავშირებით, რომ რუსეთში ქართული ღვინის და მინერლური წყლების შემოტანა აკრძალულიყო. თუმცა რუსეთის პრეზიდენტმა კანონმდებლებს თავშეკავებისკენ მოუწოდა და ეს მათ შორის ქართველი ხალხის იმართ პატივისცემის გამო და ჩვენი ქვეყნის ინტერესებიდან გამომდინარე გააკეთა. აედან გამომდინარე, ე.წ. ღვინის სანქციების თემა ამოწურულია. რაც შეეხება ავიამიმოსვლის აკრძალვას, ეს დროებითი გადაწყვეტილებაა და მისი გაუქმების პირობები ზუსტად არის განსაზღვრული: საქართველოში სიტუაციის სტაბილიზაცია, რუსოფობიური კამპანიის შეწყვეტა და ჩვენი მოქალაქეების მიმართ არსებული ნებისმიერი სახის საფრთხის გაქრობა", - განაცხადა რუსმა დიპლომატმა. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია