საერთაშორისო რესპუბლიკური ინსტიტუტი( IRI) საქართველოში საზოგადოებრივი აზრის კვლევის შედეგებს  აქვეყნებს.

კვლევის მიხედვით, საქართველოში ნატო-ში გაწევრიანების მომხრეთა რაოდენობა შემცირდა.

ჩრდილოატლანტიკურ ალიანსში ინტეგრაციას სრულად გამოკითხულთა 49%; უჭერს, რაც 2009 წლის ივნისის შემდეგ ყველაზე დაბალი მაჩვენებელია. ნატო-ში შესვლას გარკვეულწილად მხარს უჭერს 19%; გარკვეულწილად ეწინააღმდეგება 6%; სრულად ეწინააღმდეგება 13%.

რაც შეეხება კითხვას, როდის გახდება საქართველო ნატო-ს წევრი, შედეგები ასე გადანაწილდა: გამოკითხულთა 16% მიიჩნევს, რომ საქართველო ნატო-ს წევრი 2023 წლის შემდეგ გახდება, 15% ფიქრობს, რომ არასდროს. გამოკითხულთა 3-3% ფიქრობს, რომ საქართველო ალიანსში 2020, 2022 ან 2023 წელს გაწევრიანდება, 1%  კი მიიჩნევს, რომ 2021 წელს. კითხვაზე პასუხი გამოკითხულთა 59%-ს არ აქვს.

ამასთან, ნატო-ში ინტეგრაციის მხარდამჭერები მიიჩნევენ, რომ ეს საქართველოს მოუტანს მეტ უსაფრთხოებას - 34%; თავდაცვას - 12%; დაკარგული ტერიტორიების დაბრუნებას 8%; სტაბილურობასა და მშვიდობას 8%; ეკონომიკურ გაძლიერებას 6%; ხოლო სამხედრო მხარდაჭერას 5%.

ცნობისთვის, IRI-ს დაკვეთით საზოგადოებრივი აზრის კვლევა IPM-მა, 20 მაისიდან 11 ივნისის ჩათვლით ჩაატარა. საქართველოს მასშტაბით გამოიკითხა 1500 ადამიანი. კვლევის ცდომილება 2.5%-ია.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს

რას პასუხობს საზოგადოებრივი მაუწყებელი სინდისის პატიმრების მშობლებს ეთერის მოთხოვნაზე