მე კონსპირაციების მომხრე ნამდვილად არა ვარ და ვერანაირ ეჭვს ვერ შევიტან მიუკერძოებულობაში. ამიტომ უნდა მივაწეროთ ეს ყველაფერი ჩემი აზრით, აბსოლუტურად არასწორ ინტერპრეტაციას“, - ამ სიტყვებით „რუსთავი 2“-ის გენერალური დირექტორი, ნიკა გვარამია სტრასბურგის სასამართლოს გადაწყვეტილებას გამოეხმაურა.

როგორც გვარამიამ აღნიშნა, სასამართლოს გადაწყვეტილება შოკისმომგვრელია

„მოგესალმებით, „რუსთავი 2“-ის ეთერში ვართ და არ ვაპირებთ არ ყოფნას. პირველ რიგში, მინდა გითხრათ, რომ ეს გადაწყვეტილება შოკისმომგვრელია და აბსოლუტურად წარმოუდგენელი. ვფიქრობ, რომ სამართლებრივი თვალსაზრისით, რა სასამრთლოც არ უნდა იყოს, კრიტიის უფლება მაქვს, გადაწყვეტილება არის წარმოუდგენელი. სამწუხაროდ, მოთხოვნების არ დაკმაყოფილებასთან ერთად ძალიან მძიმეა ის გარემოება, რომ მხოლოდ ერთ შემთხვევაში დატოვა სასამართლომ გასაჩივრების უფლება, რომელსაც გამოვიყენებთ და მოგვიანებით გეტყვით ამაზე, დანარჩენ შემთხვევებში სამწუხაროდ, დაუშვებლად დაშვების გამო საჩივრების უფლებებიც კი ჩაკეტა. მე კონსპირაციების მომხრე ნამდვილად არა ვარ და ვერანაირ ეჭვს ვერ შევიტან მიუკერძოებულობაში. ამიტომ უნდა მივაწეროთ ეს ყველაფერი ჩემი აზრით, აბსოლუტურად არასწორ ინტერპრეტაციას. მე მაქვს კრიტიკის უფლება. არ ვეთანხმები ამ გადაწყვეტილებას სრულად, თუმცა გასაჩივრების შესაძლებლობა გვაქვს ერთ შემთხვევაში და ეს ერთი შემთხვევა არის უმნიშვნელოვანესი, დასაშვებად ცნობა, მოსამართლე ურთმელიძის, თოდუასა და სააპელაციო სასამრთლოს ერთი მოსამართლის, ჩვენ ვაპირებთ ამის გასაჩივრებას“, - განაცხადა ნიკა გვარამიამ.

ადამიანის უფლებათა ევროპულმა სასამართლომ "რუსთავი 2"-ის საქმეზე ადამიანის უფლებათა ევროპული კონვენციის არცერთი მუხლის დარღვევა არ დაადგინა, - ამის შესახებ სტრასბურგის სასამართლოს გადაწყვეტილებაშია აღნიშნული.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია