2019-07-15 12:10:05, 1667 ნახვა

---

გოგებაშვილის სახლ-მუზემთან, სადაც პრემიერი და მთავრობის წევრები იმყოფებოდნენ, საპროტესტო აქცია გაიმართა

ვარიანში, იაკობ გოგებაშვილის სახლ-მუზემთან, სადაც პრემიერი და მთავრობის წევრები იმყოფებოდნენ, საპროტესტო აქცია გაიმართა.

დემონსტრანტების მთავარი მოთხოვნა შს მინისტრის გიორგი გახარიას გადადგომაა.

ამასთან, აქციის მონაწილეებს ადგილზე სხვადასხვა წარწერებით ბანერები ჰქონდათ მიტანილი: „ჩვენ მოვიგებთ ნერვების ომს!“; „რუსეთი  ოკუპანტია!“; „გახარია რატომ არ ჩანხარ?!“ და სხვა.

„ვაპროტესტებთ ჯალათ მინისტრ გახარიას და ყველანაირი ფორმით ვცდილობთ, რომ ნებისმიერ ხელისუფალ პირს მივაწვდინოთ ხმა. გახარიას უნდა გადადგეს ან პრემიერმა გადააყენოს. თვითონაც დარბევამდე 10 წუთით ადრე, რომ განაცხადა, აქციების დარბევა მათი ხელწერა არ იყო, მაგრამ მაინც მოხდა, აი ზუსტად მაგის გამო ვართ ჩვენ აქ“, - აღნიშნა აქციის ერთ-ერთმა მონაწილემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი