დღეს, პარლამენტთან აქცია "სირცხვილია" 19:00 საათზე განაცხლდება. ეს მოქალაქეების პროტესტის 22-ე დღე იქნება. 

როგორც ღონისძიების ინფორმაციაშია ნათქვამი, მოქალაქეები, ისტორიკოსები და ექსპერტები რუსეთის მხრიდან საქართველოს ოკუპაციის 200-წლიან ისტორიაზე ისაუბრებენ.

"დღეს სამოქალაქო პროტესტის 22-ე დღეა და დღეს საქართველოს ისტორიას დავიცავთ. იმ დროს, როდესაც ვლადიმერ პუტინი ისტორიის გადაწერას ცდილობს, ხოლო მთავრობა მის მიერ მოთხრობილ ფაქტობრივ ტყუილებს, ფაქტების ინტერპრეტაციასა და სუბიექტურ შეფასებას უწოდებს, ჩვენ სამოქალაქო საზოგადოება თავს ვალდებულად ვთვლით, მოვყვეთ სიმართლე რუსეთ-საქართველოს ურთიერთობის შესახებ.

დღეს საქართველოს მოქალაქეები, ისტორიკოსები და ექსპერტები ისაუბრებენ რუსეთის მხრიდან საქართველოს უკუპაციის 200 წლიან ისტორიაზე. თუ სახელისუფლებო შტოები თავად არ ზრუნავენ დაამსხვრიონ მტრის ნარატივი საქართველოს ისტორიის შესახებ, ამას სამოქალაქო საზოგადოება თავად გააკეთებს! ჩვენ ვნახეთ, როგორ ცდილობს მთავრობა "გავრილოვის ღამის" შესახებ ფაქტების გაყალბებას - სახელისუფლებო ძალები და სამთავრობო პროპაგანდისტული მედია უარყოფს მშვიდობიანი მოქალაქეების სისხლიან დარბევას. ამიტომ ჩვენი პროტესტი გაგრძელდება მანამ, სანამ მთავრობა მომხდარზე პოლიტიკურ პასუხისმგებლობას არ აიღებს! გადადგეს შს მინისტრი გიორგი გახარია! გელოდებით დღეს 19:00 საათზე, პარლამენტის წინ, საქართველოს სამსახურში!", - წერია ინფორმაციაში. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს