თბილისის მერიის ხელშეწყობით სტუდენტებისა და ახალგაზრდა სპეციალისტებისთვის უცხოელი პროფესორები და ექსპერტები მასტერკლასებს და ვორქშოფებს ჩაატარებენ. ამის შესახებ დედაქალაქის მერმა თბილისის მთავრობის სხდომაზე ისაუბრა.

კახა კალაძის თქმით, პროექტი უნივერსიტეტებთან თანმშრომლობით განხორციელდება.

„პროექტის ფარგლებში  უკვე დაფინანსდა 8 უცხოელი ექსპერტის ვიზიტი თბილისში, რომლებიც ჩაატარებენ მასტერკლასებსა და ვორქშოფებს არქიტექტურის, ურბანული განვითარების, კულტურის, მენეჯმენტის, საზოგადოებრივი ჯანდაცვისა და ხელოვნების მიმართულებით. საერთო ჯამში ამ ღონისძიებებში 1000-მდე სტუდენტი მიიღებს მონაწილეობას.

ჩვენთვის მთავარი მიზანი და ამოცანაა, რომ ხელი შევუწყოთ ახალგაზრდებს კვალიფიკაციის ამაღლებაში და უცხოელმა პროფესორებმა გაუზიარონ მათ ცოდნა და გამოცდილება ამ სფეროებში. ეს მიმართულებები დედაქალაქისთვის ძალიან მნიშვნელოვანია, ჩვენ კარგად ვხედავთ, თუ რა ხდება არქიტექტურისა და ურბანული განვითარების მიმართულებით. რა თქმა უნდა, გვჭირდება ახალგაზრდა სპეციალისტები, ახალი სისხლი. ამ მიმართულებებში საკმაოდ მცირე რაოდენობის სპეციალისტი გვყავს. რა თქმა უნდა, ჩვენ ყველასთან გვაქვს კომუნიკაცია, ყველასთან ვმუშაობთ, ვიზიარებთ მათ შეხედულებებს და მათ შენიშვნებსაც, თუ რამე გვეშლება, თუმცა დამატებითი ძალები, ახალგაზრდები, მათი ჩართულობა და პროფესიონალიზმი არის ძალიან მნიშვნელოვანი და ზუსტად ასეთი პროექტების ხელშეწყობით ჩვენ შევძლებთ მათი კვალიფიკაციის ამაღლებას“, - განაცხადა კახა კალაძემ.

სპეციალისტები თბილისს ეწვევიან საფრანგეთიდან, გერმანიიდან, ჩეხეთიდან, იტალიიდან და ლატვიიდან, გარდა ლექცია-სემინარებისა, უცხოელი ექსპერტების შეხვედრები გაიმართება მერიის შესაბამის საქალაქო სამსახურებთანაც.

(NS)

ავტორი: ექსპრესნიუსი,

სოციალური ქსელები

ლავროვმა განაცხადა, რომ რუსეთი ომს უკრაინის სრულ კაპიტულაციამდე გააგრძელებს.

ჩინეთმა რუსეთისთვის უკრაინაში გამოყენებული დრონებისთვის ხელოვნური ინტელექტის ტექნოლოგიის მიწოდება დაიწყო და Starlink-ის თანამგზავრების განადგურება შესთავაზა

ირაკლი დგებუაძე თბილისის პოლიციის დეპარტამენტის დეტექტივების სამმართველოს უფროსად დანიშნეს

ვოლსკი: საიდან მოიტანეს ეს ქარდი, ან ვინ ალაიქებს, ან ვინ აჰაჰავებს