2019-07-09 14:32:23, 2458 ნახვა
პოლიტიკა
რუსეთის დუმამ საქართველოს წინააღმდეგ სანქციების შემოღებას მხარი დაუჭირა
რუსეთის დუმამ საქართველოს წინააღმდეგ სანქციების შემოღებას მხარი დაუჭირა, - ამის შესახებ "რია ნოვოსტი" იუწყება.
სანქციების შემოღებას 414-მა პარლამნტარმა დაუჭირა, წინააღმდეგი არც ერთი იყო. პროექტის თანახმად, დეპუტატები რუსეთის მთავრობას მიმართავენ, რომ განიხილოს „საქართველოში ანტირუსულ პროვოკაციებთან დაკავშირებით შესაძლო დამატებითი ეკონომიკური ზომების“ მიღება.
განხილვის შემდეგ, მთავრობამ პროექტი რუსეთის პრეზიდენტს უნდა წარუდგინოს.
ცნობისთვის, რუსი დეპუტატები საქართველოდან ღვინისა და წყლის შეტანის აკრძალვის, ასევე ფულადი გზავნილების შეწყვეტის საკითხის დაყენებას აპირებენ.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
