საგარეო საქმეთა ყოფილი მინისტრი და დეპუტატი სერგი კაპანაძე საგარეო საქმეთა სამინისტროს გავრცელებული განცხადების გამო აკრიტიკებს რომელიც უწყეამ "რუსთავი2" -ს ჟურნალისტის გიორგი გაბუნიას მიუძღვნა.

"მოვუწოდებთ საერთაშორისო საზოგადოებას და პრესის თავისუფლების საკითხებზე მომუშავე ყველა საერთაშორისო ორგანიზაციას, სათანადო შეფასება მისცეს ტელეკომპანიის და კონკრეტულად ამ ჟურნალისტის საქციელს, რომელმაც უხეშად უგულველყო საერთაშორისო პროფესიული ნორმები და სტანდარტები."

აი, ეს პასაჟი რას ნიშნავს? ანუ, ქვეყნის საგარეო საქმეთა სამინისტრო თხოვს საერთაშორისო თანამეგობრობას, ჩვენს პარტნიორ ქვეყნებს და ეუთოს და ევროსაბჭოს და სხვა ორგანიზაციებს, რომ შეაფასოს კერძო არხის სარედაქციო გადაცემის წამყვანის უხამსი განცხადება?

რა მიზნით? ქვეყნის ინტერესებში ეს როგორ შედის? რა შეფასებას ელით? სიტყვის თავისუფლებაზე გსმენიათ რამე საერთოდ? თქვენ ვინ გეკითხებთ "კონკრეტულად ეს ჟურნალისტი" როგორ მოიქცევა? ეს რა სტანდარტია? აწი, ყველა ანტი-რუსულ განცხადებაზე მისცემთ ხოლმე რეაქციას? ვასიკო ოდიშვილმა რომ აგინა პუტინს, მასაც შეაფასებთ? - დაწერა სერგი კაპანაძემ.

ავტორი: ექსპრესნიუსი,

სოციალური ქსელები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის

The Observer: სტარმერმა შესაძლოა გადადგომის შესახებ ორშაბათს განაცხადოს