2019-06-29 17:03:32, 2345 ნახვა
პოლიტიკა
კარლ ბილდტი: რუსეთი საქართველოზე ზეწოლას აძლიერებს - ევროკავშირმა რეაგირება უნდა მოახდინოს!
შევედეთის ყოფილი საგარეო საქმეთა მინისტრი კარლ ბილდტი მიიჩნევს, რომ საქართველოსთან დაკავშირებით რუსეთის მიერ მიღებული გადაწყვეტილებების გამო, ევროკავშირმა რეაგირება უნდა მოახდინოს.
ამის შესახებ ბილდტი „ტვიტერის“ საკუთარ გვერდზე წერს.
„ევროკავშირმა რეაგირება უნდა მოახდინოს. რუსეთი სერიოზულად აძლიერებს ზეწოლას საქართველოზე. ავიამიმოსვლა შეჩერდა და შეწყდა ქართული ღვინის იმპორტი. ეს ყველაფერი არის სერიოზული ზეწოლა“, - წერს კარლ ბილდტი.
ის ასევე ენგურის ხიდის დროებით ჩაკეტვასაც გამოეხმაურა და მომხდარის გამო შეშფოთება გამოთქვა.
ავტორი: ექსპრესნიუსი,
epn.ge (@expressnews.ge)
