მდინარაძე - არ გვისაუბრია იმ დეპუტატების გარიცხვაზე, რომლებმაც მელიასთვის იმუნიტეტის მოხსნას მხარი არ დაუჭირეს

2019-06-27 13:09:23, 1408 ნახვა

პოლიტიკა

გარიცხვაზე და მსგავს საკითხებზე არ გვისაუბრია, - ამის შესახებ ფრაქცია „ქართული ოცნება - დემოკრატიული საქართველოს“ თავმჯდომარე მამუკა მდინარაძემ ჟურნალისტებს განუცხადა.

როგორც მან აღნიშნა, გუნდში, იმ დეპუტატების გარიცხვის საკითხი არ დგას, რომლებმაც ენმ-ს წევრ ნიკა მელიასთვის იმუნიტეტის მოხსნას მხარი არ დაუჭირეს.

„დღეს, რომ ხელისუფლებაში იყოს „ნაციონალური მოძრაობა“, დღესვე იქნებოდნენ გარიცხული. თუმცა ჩვენ ასეთი მიდგომა არ გვაქვს. ყველა ადამიანი, მითუმეტეს დეპუტატი ამ შემთხვევაში სარგებლობს თავისუფალი მანდატით არის თავის გადაწყვეტილებაში თავისუფალი. ეს წარმოუდგენელია რიგი პოლიტიკური ძალებისათვის, თუმცა ჩვენ ასეთი მიდგომა არ გვაქვს და გარიცხვაზე და მსგავს საკითხებზე ნამდვილად არ გვისაუბრია“, - აღნიშნა მამუკა მდინარაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან