„ქართული ოცნების“ გენერალური მდივანი კახა კალაძე 2020 წლის საპარლამენტო არჩევნების პროპორციული წესით ჩატარების თაობაზე მიღებულ გადაწყვეტილებას უპრეცედენტოს უწოდებს.

კალაძეს ეჭვი არ ეპარება, რომ „ქართული ოცნება“ ასეთ პირობებშიც კი,  მნიშვნელოვან მხარდაჭერას მოიპოვებს.

„ასევე, ყველაზე მნიშვნელოვანი არის ის, რომ ბარიერი საერთოდ უქმდება, რითაც ჩვენ ყველა პოლიტიკურ პარტიას ვაძლევთ შესაძლებლობას, თუ საზოგადოების მხრიდან ექნებათ მხარდაჭერა და თანადგომა, რა თქმა უნდა, მოხვდნენ პარლამენტში და პარლამენტში დააფიქსირონ თავიანთი ხმა სხვადასხვა საკითხებზე. მგონია, რომ ეს ჩვენ მოგვცემს იმის შესაძლებლობას, რომ სხვადასხვა პოლიტიკური შეხედულების მქონე ადამიანებს, ეყოლებათ თავიანთი წარმომადგენლები საქართველოს პარლამენტში. მე მგონია მაინც, რომ პარტია ქართულ ოცნებას, ამ რეფორმის ფარგლებშიც ექნება ძალიან დიდი მხარდაჭერა.

ყველაზე მთავარი და მნიშვნელოვანი არის ის, რომ ყველა პოლიტიკური პარტია, ვინც კონსტიტუციის ფარგლებში ხედავს ქვეყნის მომავალს და განვითარებას, ჩვენ მზად ვართ დიალოგისთვის და სასესიო კვირის ბოლოს დაიწყება უკვე განხილვები ამ რეფორმასთან დაკავშირებით“, - განაცხადა კალაძემ.

ცნობისთვის, 2020 წლის საპარლამენტო არჩევნები პროპორციული სისტემით, ნულოვანი საარჩევნო ბარიერის პირობებში ჩატარდება. გადაწყვეტილების შესახებ დღეს „ქართული ოცნების“ ოფისში გამართულ ბრიფინგზე პარტიის თავმჯდომარე ბიძინა ივანიშვილმა განაცხადა.

ავტორი: ექსპრესნიუსი,

სოციალური ქსელები

კობახიძე - ყველანაირი ფასი აქვს დაკარგული ევროპარლამენტის რეზოლუციებს

კობახიძე - სიძულვილის ენის წინააღმდეგ ბრძოლის სამმართველო შეასრულებს განსაკუთრებულ როლს, რომ თავი დავიცვათ სიძულვილისგან, აგრესიისგან

სიკორსკი ზელენსკიზე ორდენის ჩამორთმევაზე - ისტორიულ-ორდენების ომის გამარჯვებული შეიძლება იყოს მხოლოდ მოსკოვი

ტუსკი ზელენსკითვის თეთრი არწივის ორდენის ჩამორთმევაზე - პუტინს ახარებს და შოკში აგდებს ჩვენს მოკავშირეებს