2019-06-20 18:21:39, 1036 ნახვა
კომენტარი
კონსტანტინიდი რუსულ ვერტმფრენზე - საკითხს ჟენევაში დაგეგმილ შეხვედრაზე აუცილებლად დავაყენებთ
საგარეო საქმეთა სამინისტროს წარმომადგენელი ვლადიმერ კონსტანტინიდი, რუსული ვერტმფრენის მიერ საქართველოს საჰაერო სივრცის დარღვევას გამოეხმაურა.
როგორც მან აღნიშნა, უწყება ამ საკითხს ჟენევაში დაგეგმილ შეხვედრაზე აუცილებლად დააყენებს.
"ფაქტი ოკუპირებულ რეგიონის შემოგარენში მოხდა. ამასთან დაკავშირებით შესაბამისმა სამსახურმა გააკეთა უკვე განცხადება. რაც შეეხება საგარეო საქმეთა სამინისტროს, მსგავს ფაქტზე ყოველთვის მკაცრ რეაგირებას ახდენს და ეს საკითხი გახდება ჩვენი მსჯელობის საგანი ჟენევაში დაგეგმილ შეხვედრაზე. საქართველოს საჰაერო სივრცე დაირღვა, ოღონდ ოკუპირებულ ზოლს მიღმა, ცხინვალის რეგიონში. ჩვენ ვიმოქმედებთ იმ ინსტრუმენტებით, რაც ჩვენ გაგვაჩნია, ჩვენი კომპეტენციის ფარგლებში", - განაცხადა ვლადიმირ კონსტანტინიდმა.
ავტორი: ექსპრესნიუსი,
epn.ge (@expressnews.ge)
