ლევან გოგიჩაიშვილი: კობახიძის გადადგომა სიტუაციას განმუხტავს

2019-06-20 15:14:33, 1080 ნახვა

კომენტარი

დამოუკიდებელი დეპუტატის, ლევან გოგიჩაიშვილის განცხადებით, პარლამენტის თავმჯდომარე ირაკლი კობახიძე უნდა გადადგეს, რათა სიტუაციის განმუხტვა მოხდეს.

დღეს პარლამენტში შექმნილ ვითარებასთან დაკავშირებით, დეპუტატი მმართველი გუნდის ხელმძღვანელობას აკისრებს პასუხისმგებლობას.

"სხდომათა დარბაზში როცა ატარებ ღონისძიებას, ბუნებრივია, რომ სხდომის წამყვანი ჯდება პარლამენტის თავმჯდომარის სავარძელში. ამიტომ დაშვება, რომ კობახიძემ არ იცოდა, სპიკერატმა არ იცოდა, ეს არის ზღაპარი. ეტყობათ, რომ ყველამ გაწირა პარლამენტის თავმჯდომარე, დაწყებული ქალაქის მერიიდან, დამთავრებული პარტიის თავმჯდომარით. ერთადერთი კარგი გამოსავალი ამ ყველაფრიდან არის პარლამენტის თავმჯდომარის გადადგომა. თვითონ უმრავლესობაში არიან დეპუტატები შეურაცხოფილები. კობახიძის გადადგომა განმუხტვას სიტუაციას, რომ 2020 წლამდე ამ ბრიყვული გადაწყვეტილებებით თავზე არ დაგვამხონ საქართველო", - განაცხადა ლევან გოგიჩაიშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან