მეუფე კალისტრატე ცოცხალია და მისი მდგომარეობა მძიმეა

2019-06-19 17:40:28, 1264 ნახვა

პოლიტიკა

ქუთათელ-გაენათელი მიტროპოლიტი კალისტრატე ცოცხალია. მისი ჯანმრთელობის მდგომარეობა მძიემა - ამის შესახებ "ექსპრესნიუსს" ქუთაისის ინტერვენციული სამედიცინო ცენტრის მმართველ კომპანია "ევექსში" განუცხადეს.

ქუთათელ გაენათელი რეანიმაციულ განყოფილებაში გადის მკურნალობას.

რამდენიმე მედია საშუალებამ დღეს მცდარი ინფორმაცია გაავრცელა, რომ ქუთათელ გაენათელი გარდაიცვალა.

მეუფე კალისტრატე, მძიმე ვითარებაში ქუთაისის ინტერვენციული მედიცინის ცენტრშია გადაყვანილი. მისი ჯანმრთელობის მდგომარეობა დღეს დამძიმდა.

აღნიშნული ინფორმაცია დაადასტურა საპატრიარქოს პრესცენტრის უფროსმა, დეკანოზმა ანდრია ჯაღმაიძემ.

მისი ინფორმაციით, რამდენიმე ხანია ქუთათელ გაენათელი თავს შეუძლოდ გრძნობდა დღეს კი მისი მდგომარეობა დამძიმდა.

მეუფე კალისტრატე ერისკაცობაში შოთა მარგალიტაშვილი საპატრიარქოს სინოდში ყველაზე უხუცესია. კალისტრატე 1938 წელს თელავის რაიონი, სოფელი ვარდისუბანში დაიბადა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან