2019-06-14 11:03:14, 1132 ნახვა

---

კილაძე კარასინის განცხადებაზე: დასავლური კურსი ქართველი ხალხის არჩევანია და არავის წინააღმდეგ არ არის მიმართული

საქართველოს პოლიტიკური კურსი ქართველი ხალხის სუვერენული არჩევანია და არავის წინააღმდეგ არ არის მიმართული, - ამის შესახებ  პარლამენტის ადამიანის უფლებათა დაცვის კომიტეტის თავმჯდომარე სოფო კილაძემ რუსეთის საგარეო საქმეთა მინისტრის მოადგილის, გრიგორი კარასინის განცხადების შეფასებიბსას განაცხდა.

როგორც დეპუტატმა აღნიშნა, საქართველოს მიზანია რეგიონში სიმშვიდე და სტაბილურობა იყოს შენარჩუნებული.

ეს არავის წინააღმდეგ არ არის მიმართული და ჩვენი მიზანია, გვქონდეს სიმშვიდე და სტაბილურობა რეგიონში, საქართველოს იყოს ქვეყანა, რომელიც არის ევროპული, ევროატლანტიკური და დიდი ოჯახის ღირსეული წევრი, ეს არავის წინააღმდეგ არ არის მიმართული. ძალიან სამწუხაროა, რომ ისინი ასე აღიქვამენ“, - განაცხადა კილაძემ.

შეგახსენებთ, გრიგორი კარასინმა განაცხადა, რომ საქართველოს ნატო-ში გაწევრიანება ქართულ-რუსული ურთიერთობებისთვის შესაძლოა, საფრთხე იყოს.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი