პარლამენტის თავმჯდომარემ ირაკლი კობახიძემ იმ ძირითად საკითხებზე ისაუბრა, რომელიც სასამართლოს სისტემის რეფორმის პროექტით მომზადდა.

კობახიძის ინფორმაციით, ცვლილებები სასამართლო სისტემის სამ ძირითად სფეროს მოიცავს  და სამივე ნაწილში საერთაშორისო პარტნიორების და სამოქალაქო სექტორის რეკომენდაციებია გათვალისწინებული.

„რეფორმა სამ ძირითად მიმართულებას მოიცავს: პირველი ესაა დისციპლინური წარმოების საკითხები და აქ უამრავი ცვლილებაა განხორციელებული. დისციპლინური წარმოების მიმართულებით, მთლიანად ახლებურად არის დადგენილი დისციპლინური გადაცდომის სახეები, საფუძვლები. პროცესი არის ახელებურად გაწერილი, გაზრდილია დამოუკიდებელი ინსპექტორის დამოუკიდებლობის გარანტიები. არის ძალიან ფუნდამენტური ხასიათის ცვლილებები ამ ნაწილში, რაც უზრუნველყოფს იმას, რომ დისციპლინური წარმოება კიდევ უფრო მეტად დახვეწილი, გამჭვირვალე და ეფექტიანი გახდეს. 
მეორე სფერო ესაა იუსტიციის უმაღლესი სკოლის რეფორმა, რაც განსაკუთრებულად პრიორიტეტულია. იცით, რომ 2024 წლის ბოლოს ყველა მოსამართლე მართლმსაჯულების სისტემაში უკვე უვადოდ დაინიშნება და ეს ვადა დაკავშირებული იყო სკოლის რეფორმასთან. შესაბამისად, ძალიან მნიშვნელოვანია ის, რომ გაუმჯობესდეს იუსტიციის უმაღლესი სკოლის რესურსები და  მნიშვნელოვანია, რომ მოსამართლეების მომზადებისთვის კანონის დონეზე შექმნილიყო შესაბამისი გარანტიები და ალბათობის მაღალი ხარისხით ყოფილიყო უზრუნველყოფილი მსენელების დანიშვნა სასამართლო სისტემაში. ასევე, ამ ნაწილში შევიდა ცვლილება, რომლის მიხედვითაც, იუსტიციის საბჭოს ნაცვლად მსმენელებს სკოლაში მიიღებს იუსტიციის უმაღლესი სკოლის დამოუკიდებელი საბჭო. ეს იყო ჩვენი პარტნიორების ერთ-ერთი მნიშვნელოვანი რეკომენდაცია, რაც გავიზიარეთ და ავსახეთ კანონში. რაც შეეხება მესამე საკითხს, რომელიც ეხება იუსტიციის უმაღლეს საბჭოს, აქაც არის ძალიან მნიშვნელოვანი ცვლილებები. ერთ-ერთი ეხება გადაწყვეტილებების დასაბუთებას. აღნიშნულია კანონპროექტში, რომ იუსტიციის უმაღლესი საბჭოს ყველა გადაწყვეტილება უნდა იყოს სათანადოდ დასაბუთებული . ეს ეხება ისეთ პრინციპულ გადაწყვეტილებებს, როგორიცაა მოსამართლეების დანიშვნა, მათი დაწინაურება, დისციპლინური წარმოება. ასევე, გვაქვს კონკრეტული რეგულაციები, რომელიც გააუმჯობესებს საბჭოს მუშაობის გამჭვირვალობის ხარიხს, გარკვეული კორექტივები შედის საბჭოს შემადგენლობის ფორმირებასთან დაკავშირებულ რეგულაციებში. არის სამი ძირითადი სფერო და სამივე ნაწილში გვაქვს ფუნდამენტური ცვლილებები და ისინი ეფუძნება ჩვენი საერთაშორისო პარტნიორების და სამოქალაქო სექტორის რეკომენდაციებს“, - განაცხადა ირაკლი კობახიძემ.

ავტორი: ექსპრესნიუსი,

სოციალური ქსელები

ჟურნალისტების დადგენილი მოძალადე სპეცრაზმელები დაკავებულები არიან, სისტემამ თავისი საყრდენების ჭამა დაიწყო

პატრიარქობის კანდიდატმა, მიტროპოლიტმა იობმა ზეწოლაზე ისაუბრა - ახსენა სამთავრობო მედია

რეჟიმმა გურამ როგავაზე, ზვიად მაისაშვილზე და ლევან ხაბეიშვილზე 2024 წელს თავდასხმისთვის სპეცრაზმელები დააკავა

უძილაურის ოჯახის ახლობელი: ეს არის ევროპაზე დარტყმა და გიორგი ამ თემაში დაახურდავეს