2019-06-09 18:01:43, 1075 ნახვა
პოლიტიკა
ვოლსკი: მარგველაშვილის განცხადება მისი სტატუსისთვის შეუსაბამო და არაჯენლტმენური იყო
"ქართული ოცნების" ერთ-ერთი ლიდერმა გია ვოლსკიმ საქართველოს ყოფილი პრეზიდენტის, გიორგი მარგველაშვილის მიერ შალვა შავგულიძესადმი გაკეთებულ მხარდამჭერ განცხადებას მისი სტატუსისთვის შეუსაბამო და არაჯენლტმენური ჟესტი უწოდა.
მისი თქმით, ეს იყო საკმაოდ მკვახე და უხეში თავდასხმა ლადო კახაძეს მისამართით.
"მე რასაც ყურადღება მივაქციე, ეს იყო საკმაოდ მკვახე განცხადება, რომელიც საქართველოს ყოფილმა პრეზიდენტმა გააკეთა, აშკარა მხარდაჭერით ერთ-ერთი კანდიდატის მიმართ და არა მხოლოდ კეთილგანწყობით ამ კანდიდატის მიმართ, არამედ ოპონენტ მხარეზე ძალიან უხეში თავდასხმით. მე ვფიქრობ, რომ ეს არც ამ პიროვნების სტატუსს შეესაბამება და გარკვეული ჯენტლმენური შეთანხმებაც არსებობს, რომ ასეთი აშკარა მხარდამჭერი განცხადებები არ იქნეს გაკეთებული", - განაცხადა გია ვოლსკიმ.
ავტორი: ექსპრესნიუსი,
epn.ge (@expressnews.ge)
