2019-06-04 18:23:35, 1360 ნახვა

---

კობახიძე არ გამორიცხავს, რომ მოზარდების მკვლელობის საქმეზე მაღალჩინოსნების პასუხისმგებლობის საკითხიც დადგეს

პარლამენტის თავმჯდომარე ირაკლი კობახიძე არ გამორიცხავს, რომ ხორავას ქუჩაზე მომხდარი მოზარდების მკვლელობის საქმეზე მაღალჩინოსნების პასუხისმგებლობის საკითხიც დადგეს.

როგორც მან ჟურნალისტებს განუცხადა, პარლმენტის დროებითი საგამოძიებო კომისიის რეკომენდაციები ისევ ძალაშია.

„ჩვენ სამართალდამცავ ორგანოებს რეკომენდაცია მივეცით, რომ სათანადო გამოძიება ეწარმოებინათ შესაძლო პასუხისმგებლობის თაობაზე. ეს რეკომენდაცია კვლავაც ძალაშია. ასევე პასუხისმგებელი ვართ ზედამხედველობაზე და შეგვიძლია, ინფორმაცია დამატებით მოვიკითხოთ, თუ რა ეტაპზეა ამ საკითხის გამოძიება. ამის საფუძველზე შეიძლება გამოიკვეთოს პასუხისმგებლობა“, - განაცხადა ირაკლი კობახიძემ.

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი