„ევროპული საქართველო“ „ოთხოზორია-ტატუნაშვილის სიის“ არაჯეროვან შესრულებაზე დადგენილების მიღებას ითხოვს და გენპროკურორს იბარებს

2019-06-03 11:14:32, 1001 ნახვა

პოლიტიკა

"ევროპული საქართველო" "ოთხოზორია-ტატუნაშვილის" სიასთან დაკავშირებით გენერალურ პროკურორს შალვა თადუმაძეს პარლამენტში იბარებს.

გარდა ამისა, პარტია ამავე სიის არაჯეროვან შესრულებაზე დადგენილების მიღებას ითხოვს. საკითხის დაყენებას "ევროპული საქართველო" დღევანდელ ბიუროს სხდომაზე აპირებს.

„გენერალურ პროკურორს მოუწევს პარლამენტში მოსვლა და პასუხის გაცემა კითხვაზე, რატომ არ არის საქმე დაწყებული არცერთი იმ მიმართულებით, რომელიც გამოიწვევს ბრალის წაყენებას ერთის მხრივ რუსეთის ფედერაციის მოქალაქეებისთვის საოკუპაციო ძალებში ვინც მსახურობენ და მეორეს მხრივ იმ ადამიანებისთვის ვინც ვიცით, რომ ფიგურირებდა ოთხოზორიას მკვლელობაში ან ვინც ვიცით, რომ ფიგურირებდა გალში ირაკლი კვარაცხელიას გარდაცვალებაში", - აღნიშნა პარტიის წევრმა სერგი კაპანაძემ.

"ევროპული საქართვველოს" პოზიციას "ნაციონალურ მოძრაობაშიც" იზიარებენ. ფრაქციის თავმჯდომარე რომა გოცირიძე აცხადებს, რომ "ოთხოზორია-ტატუნაშვილის" სია უნდა გაფართოვდეს.

„ეს სია უნდა იყოს ისეთი ფორმის როგორიც არის მაგნიტსკის სია ,უნდა გაფართოვდეს და ის ადამიანები უნდა მოხვდნენ რომელთა წინააღმდეგაც არ არის სისხლის სამართლის საქმე, თუმცა იკვეთება პოლიტიკური თუ სხვა სახის პასუხისმგებლობა", - განაცხადა გოცირიძემ.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან