„მთავრობის მეთაურის განცხადებები მერიის, ცენტრალური მთავრობის რეაგირებას ძალიან ცუდად ემთხვევა“, - ეს განცხადება საკრებულოს ფრაქცია „რესპუბლიკელების“ წარმომადგენელმა ხათუნა სამნიძემ საკრებულოს რიგგარეშე სხდომაზე გააკეთა, სადაც დეპუტატები დღის წესრიგით გათვალისწინებულ 23 საკითხზე მსჯელობას იწყებენ.

მეცხრე საკითხი თბილისის საერთაშორისო აეროპორტისთვის შოთა რუსთაველის სახელის მინიჭებაა.

ამ საკითხთან დაკავშირებით თბილისის საკრებულოს უმრავლესობისა და უმცირესობის პოზიციები განსხვავებულია. ფრაქცია „ნაციონალური მოძრაობა“ ითხოვს, რომ თბილისის საერთაშორისო აეროპორტს პირველი პრეზიდენტის ზვიად გამსახურდიას სახელი დაერქვას, ვინაიდან სევდია უგრეხელიძის თქმით, იგი ასოცირდება საქართველოს უახლეს სახელმწიფოებრივ წინსვლასთან.

მისივე თქმით, თუკი წინააღმდეგნი არიან, რომ თბილისის საერთაშორისო აეროპორტს ზვიად გამსახურდიას სახელი დაერქვას, მაშინ ნოე ჟორდანიას სახელი დაერქვას.

უგრეხელიძის შეფასებით, ქვეყანაში შემოსული ტურისტი უნდა მიხვდეს, რომ საქართველოს შოთა რუსთაველის შემდეგაც ჰქონდა სახელმწიფოებრივი ისტორია.

აქედან გამომდინარე, ფრაქცია „ნაციონალური მოძრაობა“ თბილისის საერთაშორისო აერპორტისთვის შოთა რუსთაველის სახელის მინიჭების საკითხს მხარს არ დაუჭერს.

რაც შეეხება „გაერთიანებულ დემოკრატებს“, ისინი აცხადებენ, რომ არც მხარს უჭერენ და არც კენჭისყრაში მიიღებენ მონაწილეობას. მათი თქმით, ამ საკითხთან დაკავშირებით რეფერენდუმი უნდა ჩატარდეს, რადგან მიიჩნევენ, რომ ასეთ თემებზე მხოლოდ საკრებულომ არ უნდა მიიღოს გადაწყვეტილება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს