ფრაქცია "ქართული ოცნების" თავმჯდომარე მამუკა მდინარაძე მიიჩნევს, რომ ყოფილი პრეზიდენტი მიხეილ სააკაშვილი ილუზიებში ცხოვრობს და მას საქართველოში პოლიტიკური პერსპექტივა არ აქვს.

დეპუტატი, ასევე, ხაზს უსვამს იმას, რომ ეს გადაწყვეტილება უკრაინა-საქართველოს მეგობრულ ურთიერთობაზე გავლენას ვერ მოახდენს.

"ინანებს თუ არა ზელენსკი ამ გადაწყვეტილებას, მე ამაზე ვერ ვიმსჯელებ. მე, მხოლოდ და მხოლოდ შემიძლია ვთქვა, რომ ეს საკითხი სამართლებრივ ჩარჩოებში იმ ქვეყნის გადასაწყვეტია. როგორც ჩანს, გადაწყვეტილების მიღებისას მიიჩნიეს, რომ სამართლებრივი ნორმები მაშინ იმგვარად იყო დარღვეული, რომ უფრო სწორი იყო ასეთი გადაწყვეტილების მიღება, ეს მათი საქმეა. ჩვენ მხოლოდ ერთი რამ ვიცით: უკრაინა არის, იყო და იქნება ყოველთვის ჩვენი ახლო მეგობარი და სტრატეგიულად პარტნიორი ქვეყანა. კონკრეტული სამართლებრივი გადაწყვეტილებები მოგვეწონება თუ არა, ვერც ქვეყნის და ვერც ხალხების ურთიერთობაზე მიზერულ გავლენასაც ვერ მოახდენს. ყოფილი პრეზიდენტი რამდენიმე მედიასაშუალებაში და პარალელურ სამყაროში ცხოვრობს, ეს გასაგებია. საქართველოსთან მიმართებაში სააკაშვილი არის წარსული და მას აქ არანაირი პერსპექტივა არ გააჩნია. ის ილუზიურ, პარალელურ სამყაროში ცხოვრობს და გააგრძელებს იქ ცხოვრებას, სხვა შანსები იმ კაცს ამ ქვეყანაში არ გააჩნია. მიხეილ სააკაშვილი შეეცდება უამრავ რამეს, რა გამოუვა ეს მეორეა, საქართველოში ის წარსულია და ძალიან ცუდი წარსული", - განაცხადა მამუკა მდინარაძემ.

ავტორი: ექსპრესნიუსი,

სოციალური ქსელები

დღეიდან, უცხოელებს გიდებად, კურიერებად და ტაქსის მძღოლებად მუშაობა სრულიად ეკრძალებათ

დღეიდან საგზაო-სატრანსპორტო წესების დარღვევისთვის ჯარიმები იზრდება

გდდ-ის ყოფილი ხელმძღვანელი, რომან ქარცივაძე სუს-ის სპეციალური ოპერაციების დეპარტამენტის ხელმძღვანელად დაინიშნა

მიხეილ სააკაშვილი: პატრიარქის „არჩევნის“ სცენარი ლუბიანკაზე დიდი ხნის წინ დაიწერა.