2019-05-27 15:06:35, 2761 ნახვა
სამართალი
გორში, 9 წლის გოგონას მკვლელობისთვის, იაგო ნებიერიძეს უვადო პატიმრობა მიესაჯა
გორის რაიონულმა სასამართლოს გადაწყვეტილებით, 9 წლის ნანიკო ბერიაშვილის მკვლელობისა და მის მიმართ გარყვნილ ქმედებაში ბრალდებულ იაგო ნებიერიძეს უვადო პატიმრობა შეეფარდა.
გადაწყვეტილება მოსამართლემ, ლევან დარბაიძემ რამდენიმე წუთის წინ გამოაცხადა.
ცნობისთვის, იაგო ნებიერიძე, 25 ოქტომბერს, გორში, 9 წლის გოგონას მკვლელობის ბრალდებით დააკავეს. ნანიკო ბერიაშვილის სამძებრო სამუშაოები მთელი დღის განმავლობაში მიმდინარეობდა. საღამოს პოლიციამ მოკლული ბავშვის ცხედარი იპოვა. მოგვიანებით ნებიერიძისთვის წარდგენილ ბრალდებას სსკ-ის 141-ე მუხლიც დაემატა, რაც გარყვნილ ქმედებას გულისხმობს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
