თბილისის საკრებულოს დამოუკიდებელი დეპუტატი ალეკო ელისაშვილი პრემიერ-მინისტრის ირაკლი ღარიბაშვილის განცხადებას გამოეხმაურა, რომლის თანახმად, დავით აღმაშენებლის ძეგლი თბილისის ცენტრში უნდა დაბრუნდეს.

ელისაშვილი პრემიერის განცხადებას თბილისის მერიისა და საკრებულოს კომპეტენციაში ჩარევად მიიჩნევს.

„ისევ თბილისის მერიის და საკრებულოს კომპეტენციაში ჩარევა! ვინ ეკითხება პრემიერ-მინისტრს სად იდგმება თბილისის ტერიტორიაზე ძეგლები? ჯერ ერთი საქმე გამოელია ბატონ ღარიბაშვილს და მერე მეორე - თბილისი არის თვითმმართველი ქალაქი, ყავს პირდაპირი წესით არჩეული მერი და არჩეული საკრებულო. იქნებ წააკითხოს ვინმემ პრემიერ-მინისტრს კონსტიტუცია, იქნებ აუხსნან სად გადის მისი, თბილისის მერის და საკრებულოს კომპეტენციის ზღვარი. საბავშო ბაღია თუ სახელმწიფო...“, - წერს ალეკო ელისაშვილი „ფეისბუქის“ საკუთარ გვერდზე.

ცნობისთვის, ირაკლი ღარიბაშვილმა გაზეთ "ასავალ-დასავალთან" ინტერვიუში განაცხადა, რომ სააკაშვილმა "ყოვლად უზნეო საქციელი" ჩაიდინა, როდესაც დავით აღმაშენებლის ძეგლს შეეხო. მისი თქმით, მერიამ და საკრებულომ ძეგლის თბილისის ცენტრში დაბრუნების საკითხი უნდა განიხილონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზურაბიშვილი - 14 წელი! ეს უკვე ზღვარს გადასცდა! ეს „ოცნება“ აღარ ეკუთვნის „მეოცნებეებს“, არამედ დროებითი მმართველების, ძალაუფლების ხელში ჩაგდებული პირების ან მონების კოშმარად იქცა

იოსელიანი დიუშენის აქციაზე: მოვუწოდებ შსს-ს უზრუნველყოს მშვიდობიანი შეკრების თავისუფლება

დეველოპერულ კომპანია „ზიონსა" და ლიბერთი ბანკს შორის თანამშრომლობის მემორანდუმი გაფორმდა

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს