ადვოკატი: მერაბიშვილს დასახელებული ჰყავს ყველა ის პირი, ვინც მისი საკნიდან გაყვანის ეპიზოდში მონაწილეობდა

2019-05-14 16:31:54, 1542 ნახვა

კომენტარი

ყოფილი პრემიერ-მინისტრის ვანო მერაბიშვილის ადვოკატის გიორგი ჩივიაშვილის განცხადებით, მისი დაცვის ქვეშ მყოფმა დაკითხვაზე ყველა იმ პირის სახელ და გვარი მიუთითა, ვინც მასზე იძულებას ახორციელებდა.

როგორც ადვოკატმა აღნიშნა, ვანო მერაბიშვილს შეუძლია ამოიცნოს პირი, რომელმაც საკნიდან გაიყვანა. გარდა ამისა, ყოფილ პრემიერს დასახელებული ჰყავს ყოფილი მთავარი პროკურორი ოთარ ფარცხალაძე, რომელიც უშუალოდ ხელმძღვანელობდა მის საკნიდან გაყვანას.

„ეს არის მესამე დაკითხვა,ჩვენ წინა ორ დაკითხვაში მითითებული გვყავს ადამიანები სახელებით და გვარებით, თუ ვინ ახორციელებდა კონკრეტულად იძულებას, მითითებული გვაქვს ისიც რომ ამოცნობა შეუძლია ადამიანების ვინც კონკრეტულად მოკიდა ხელი და გაიყვანა, მაგრამ ამოცნობა არ ჩატარებულა და ალბათ, არც ჩაატარებენ, იმიტომ რომ ყველაფერია იმისთვის, რომ ეს ადამიანები პასუხისგებაში იყვნენ მიცემული, მაგრამ ხელისუფლება საკუთარ თავს არ დაიჭერს“, - განაცხადა გიორგი ჩივიაშვილმა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან