მსოფლიო ბანკის რეგიონალური დირექტორის სახმრეთ კავკასიაში, ჰენრი კერალის განცხადებით, მნიშვნელოვანია, რომ ეროვნულ ბანკთან დაკავშირებით ცვლილებების შემთხვევაში ახალი საბანკო საზედამხედველო ინსტიტუტი დამოუკიდებელი იყოს.

ამის შესახებ  მსოფლიო ბანკის წარმომადგენელმა ჟურნალისტებს  განუცხადა.

მისივე  თქმით,  საქართველოს საფინანსო ინსტიტუტების დამოუკიდებლობას  ევროკაშირთან  ასოცირების შეთანხმება ავალდებულებს.

„ჩვენს  მიმართვაში ნათქვამია, რომ მნიშვნელოვანია ეროვნული ბანკის დამოუკიდებლობის  შენარჩუნება. თუ ცვლილებები განხორციელდება საბანკო ზედამხედველობის სამსახურის დამოუკიდებლობა უზრუნველყოფილი უნდა იყოს. ეს  მნიშვნელოვანია ასოცირების შეთანხმებასთან  მიმართებაში, სადაც აღნიშნულია,  რომ ეს ინსტიტუტები დამოუკიდებელი უნდა იყოს. ცვლილებების განხორცილებების შემთხვევაში არ არის აუცილებელი ეროვნულ ბანკს საფრთხე შეექმნას.  მთავარია ეს სტანდარტების გათვალისწინებით მოხდეს. ამისათვის ჩვენ ქართულ მხარეს ექსპერტების ჩართულობა შევთავაზეთ“,-განაცხადა ჰენრი კერალმა კერალმა.

კითხვაზე  თუ რატომ არ გაითვალისწინა საქართველოს მთავრობამ საერთაშორისო ფინანსური ინსტიტუტების რეკომენდაცია ზედამხედველობის სამსახურის ეროვნულ ბანკში დატოვებასთან დაკავშირებით, კერალიმ აღნიშნა, რომ ჯერ ამაზე საუბარი არ შეიძლება, რადგან პროცესი კვლავ გრძელდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი