პანკისის ხეობის მცხოვრებლები დღეს, 15:00 საათზე, მალხაზ მაჩალიკაშვილის მხარდამჭერ აქციას გამართავენ. 

მათი თქმით, მაჩალიკაშილის მიმართ წაყენებული ბრალი თემირლან მაჩალიკაშვილის საქმის გათვალისწინებით, დამატებით კითხვის ნიშნებს აჩენს.

„ვიკრიბებით, ეს უბრალოდ იქნება ხალხის პოზიციის გახმოვანება. მალხაზ მაჩალიკაშილის საქმესთან დაკავშირებით ბოლო პერიოდში რაც ხდება, ძალიან ბევრი კითხვის ნიშნები ჩნდება.  მალხაზ მაჩალიკაშვილი გაგიჟებამდე მიიყვანეს. ამას ნამდვილად ვამჩნევთ, ვხედავთ და ვფიქრობ, რომ აუცილებელიც არის ამაზე რაიმე სახის რეაგირება. როდესაც ასეთი ქეისებია, თუნდაც როგორიც თემირლანის ქეისია, რა სახის ნდობა შეიძლება გვქონდეს“, -აცხადებს სამოქალაქო აქტივისტი სულხან ბორძიკაშვილი.

მალხაზ მაჩალიკაშვილის დედა აცხადებს, რომ თუ მის შვილს დაიჭერენ, ის პროტესტის გასაგრძელებლად პარლამენტის წინ მის ნაცვლად დადგება.

„თუ ჩემი შვილი დააკავეს, მე ნამდვილად ან მთავრობა მომკლავს ან პარლამენტის წინ ვიქნები. სუს-მა, თვით იმათმა იციან, რომ ნამდვილად უდანაშაულოდ მოკლეს ის ბავშვი და კიდევ აწამებენ ამ ჩემს შვილს. ჩემს ოჯახში იარაღი და რამე არ ვიცით, საერთოდ ტერორიზმი რა იყო არ ვიცოდით. თვითონ ისინი არიან ტერორისტები,“-ამბობს მალხაზ მაჩალიკაშვილის დედა ელენე მაჩალიკაშვილი. 

შეგახსენებთ, რამდენიმე დღის წინ სუს-მა გაავრცელა აუდიოჩანაწერი, სადაც უწყების მტკიცებით, მალხაზ მაჩალიკაშვილის ძმისშვილს ესაუბრება და სოსო გოგაშვილის თვალთვალს სთხოვს. სუს-ი გამოძიებას ტერორისტული თავდასხმის მომზადების მცდელობის მუხლით აწარმოებს.

ავტორი: ექსპრესნიუსი,

სოციალური ქსელები

25 აპრილს, ილია II-ის გარდაცვალებიდან 40 დღე სრულდება - სიონის ტაძარში წირვას აღავლენენ

პოლიციამ ლაზარე გრიგორიადისი დააკავა

ჯაშუშობის ბრალდებით დაკავებულ ახალგორელ თამაზ გოლოევს ორთვიანი წინასწარი პატიმრობა შეეფარდა

ბოჭორიშვილი - გვექნება შესაძლებლობა, ჰერჩინსკი ვიხილოთ საგარეო საქმეთა სამინისტროში