ვაკის პარკის მიმდებარე ტერიტორიაზე პრორუსული ძალები "უკვდავი პოლკის" აქცია-მსვლელობას მართავენ.

მსვლელობა ლოზუნგით - "მოვითხოვთ აღდგეს დიპლომატიური ურთიერთობები რუსეთის ფედერაციასთან!" იმართება.

"საქართველოს უკვდავი პოლკის" წევრებს ადგილზე მეორე მსოფლიო ომში დაღუპული გმირების და ახლობლების ფოტოები აქვთ მიტანილი. ისინი ვაკის პარკის ცენტრალურ შესასვლელთან არიან შეკრებილები და მსვლელობით უცნობი ჯარისკაცის საფლავთან მისვლას აპირებენ.

"ექსპრესნიუსის" კითხვაზე, რას პასუხობს "უკვდავი პოლკი" საზოგადოების იმ ნაწილს, რომელიც მიიჩნევს, რომ მოძრაობას კრემლი აფინანსებს? ერთ-ერთი წევრის თეიმურაზ დიასამიძის თქმით, მათ არაფერი აქვთ საერთო რუსულ ფინანსებთან და საკუთარი სახსრებით აწყობენ მსვლელობას.

"ჩვენ არავინ არ გვაფინანსებს, საკუთარი ფინანსებით მოვედით. ჩვენ ვამბობთ რომ უნდა ვითანამშრომლოთ ყველა ქვეყანასთან, როგორც რუსეთთან ასევე ამერიკასთან. მაგრამ სამშობლო ქართული ჭკუით უნდა ვმართოთ", - აღნიშნა თეიმურაზ დიასამიძემ. 

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება