შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა პანკისის ხეობის მცხოვრებლებთან შეხვედრისას განაცხადა, რომ სახელმიფო მზადაა მოსახლეობასთან ნდობაზე დაფუძნებული კომუნიკაცია განაახლოს.

მინისტრის განცხადებით, დიალოგი პრობლემის გადაჭრის ერთადერთი უალტერნატივო გზაა.

„რა თქმა უნდა, მე მაქვს და მთლიანად ხელისუფლებას სრული მზაობა იმისა, რომ ჩვენ გვქონდეს მაქსიმალურად გახსნილი დიალოგი და კომუნიკაცია, რადგან ადრეც ვთქვი და ახლაც გავიმეორებ, ეს არის ერთადერთი და უალტერნატივო გზა, რითაც ჩვენ უნდა გადავჭრათ ყველა საკითხი და დავუბრუნდეთ იმ რეჟიმს, იმ ნდობაზე დაფუძნებულ და ძალიან აქტიურ კომუნიკაციას, რომელიც უნდა ხდებოდეს და ხდებოდა მოსახლეობასთან, კიდევ უფრო გავაძლიეროთ ეს კომუნიკაცია, თუკი ამის საჭიროება არსებობს, ყველასთან რა თქმა უნდა, და ამ რეჟიმში განვიხილოთ საკითხები“ - განაცხადა ქეთევან ციხელაშვილმა.

ქეთევან ციხელაშვილი პანკისის ხეობის უხუცესებს და ადგილობრივ მოსახლეობას შეხვდა. შეხვედრის მიზანი იმ კონფლიქტის გადაჭრაა, რომელიც პანკისის ხეობის მოსახლეობასა და სახელმწიფოს შორის ხეობაში ჰიდრო ელექტრო სადგურის მშენებლობის დაწყებას მოჰყვა.

ავტორი: ექსპრესნიუსი,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება