სრულიად საქართველოს შეიხი რამინ იგიდოვი სასულიერო პირებსა და პოლიტიკოსებს მოუწოდებს დავით გარეჯის მოვლენებთან დაკავშირებით მწვავე განცხადებებისგან თავი შეიკავონ.

რამინ იგიდოვის თქმით, ცალკეული პირების განცხადებები სახელმწიფოს ოფიციალურ პოზიციას არ გამოხატავს და მსგავსი განცხადებების ტირაჟირებით, შესაძლოა, ორ ერს შორის ვითარება დაიძაბოს. 

„ზოგიერთი პოლიტიკოსისა თუ სასულიერო პირის დაუფიქრებელი და მწვავე განცხადებები, რომლებიც ემოციურ ფონზე კეთდება, აზიანებს ორ ერს შორის ურთიერთობას. ჩვენ ვფიქრობთ, რომ სახელმწიფოს პოზიცია სულ სხვაა და არ წარმოადგენს აღნიშნული პირების პოზიციას. ჩვენი ქვეყნები მოძმე ქვეყნებია. შესაბამისად, მსგავსი განცხადებებისგან ყველა თავს უნდა იკავებდეს", - ამბობს სრულიად საქართველოს შეიხი.

რამინ იგიდოვი აღნიშნავს, რომ საზღვრების მოწესრიგების საკითხი უახლოეს მომავალში, ორივე ქვეყნის ინტერესების გათვალისწინებით უნდა გადაწყდეს. შეიხის შეფასებით, ამ პრობლემის რელიგიურ-ეთნიკური დაპირისპირების ჭრილში გადატანა საქართველოს ინტერესების წინააღმდეგ არის მიმართული.

„ჩვენ საქართველოს მოქალაქეები ვართ, ჩვენთვის კატეგორიულად მიუღებელია როგორც ეთნიკური, ასევე რელიგიური ნიშნით დაპირისპირება და შესაბამისად - აღნიშნული საკითხის რელიგიურ ან ეთნიკურ კონტექსტში გადაყვანა“, - აცხადებს რამინ იგიდოვი. 

შეგახსენებთ, რომ 2 მაისს, დავით გარეჯში მოსალოცად ჩასულმა მეუფე იობმა, დავით გარეჯის სამონასტრო კომპლექსისკენ საქართველოს მოქალაქეების გადაადგილების შეზღუდვის გამო მუსლიმების საწინააღმდეგო მწვავე განცხადებები გააკეთა.

ავტორი: ექსპრესნიუსი,

სოციალური ქსელები

სააკაშვილი - გადავარჩინე ქართული სახელმწიფოებრიობა და დამოუკიდებლობა ურთულეს სიტუაციაში

მთავარეპისკოპოსი ზენონ იარაჯული - როცა გზა ეთმობა ძალმომრეობას, ეკლესია კარგავს არა მხოლოდ წესრიგს, არამედ საკუთარ არსს და იდენტობას

Turkish Airlines 18 საერთაშორისო მარშრუტზე რეისებს აჩერებს

რუბიო რომსა და ვატიკანს ეწვევა პაპთან და იტალიასთან კონფლიქტის ფონზე