გოცირიძე გახარიას - ხაზარაძისთვის მიწერილ წერილზე, რომელსაც ექსპერტიზა უტარდება თქვენი პორტრეტი ხომ არ გამოისახება?!

2019-05-02 19:47:53, 1371 ნახვა

პოლიტიკა

„თიბისი ბანკის“ ხელმძღვანელისთვის მიწერილ წერილზე ლონდონიდან პასუხი ამ დღეებში ჩამოვა - როგორ ფიქრობთ, ამ თეთრ ქაღალდზე შემთხვევით თქვენი პორტრეტი ხომ არ გამოისახება? - ამ შეკითხვით ფრაქცია „ნაციონალური მოძრაობის“ თავმჯდომარემ, რომან გოცირიძემ შინაგან საქმეთა მინისტრ, გიორგი გახარიას პლენარულ სხდომაზე მიმართა.

რომან გოცირიძემ გიორგი გახარიასგან კითხვაზე პასუხის გაცემა კიდევ ერთხელ მოითხოვა.

„მე თქვენ დაგისვით შეკითხვა იმ წერილთა დაკავშირებით, რომელიც თქვენ მისწერეთ „თიბისი ბანკის“ ხელმძღვანელს. თქვენ ბავშვობაში დეტექტივებს ხომ კითხულობდით? გახსოვთ, დეტექტივებში როგორ არის მოკლულის თვალებზე რომ მკვდრის ხატი თუ სახე აისახება, როგორც ფოტოგრაფიაში, როგორ ფიქრობთ, ამ თეთრ ქაღალდზე, რომელსაც დღეს ექსპერტიზა უტარდება ლონდონში, შემთხვევით თქვენი პორტრეტი ხომ არ ამოისახება?“ - მიმართა გოცირიძემ გახარიას.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან