ეროვნული საინვესტიციო სააგენტოს ხელმძღვანელი გიორგი პერტაია არ გამორიცხავს, რომ სააგენტოს ახალი ფუნქციისა და ბიზნესომბუდსმენის საქმიანობის თანაკვეთა მოხდეს.

ამის შესახებ პერტაიამ სააგენტოსთან დაკავშირებული საკანონმდებლო ცვლილებების პრეზენტაციის განაცხადა.

მისი თქმით, ეროვნული საინვესტიციო სააგენტოს პრემიერ-მინისტრის სახელმწიფო კონტროლის ქვეშ გადასვლის შემდეგ უწყებას აღმასრულებელი ხელისუფლების ორგანოების საქმიანობის მონიტორინგის ფუნქცია დაემატა.

მისი თქმით, სააგენტოს და ბიზნესომბუდსმენის ფუნქციები გამიჯნულია, თუმცა თანაკვეთა გამორიცხული არაა.

„აღნიშნული ფუნქციის განხორციელებისას სააგენტო უფლებამოსილია გამოითხოვოს საინვესტიციო პროექტის განხორციელებასთან დაკავშირებული საქმის მასალები ან ინფორმაცია და მიღებული ინფორმაციის საფუძველზე წარუდგინოს საქართველოს მთავრობას რეკომენდაცია გასატარებელი ღონისძიებების შესახებ. მაგალითად, როდესაც ინვესტორს რაიმე დოკუმენტის აღება უნდა და პრობლემა ჩნდება, დრო არ გვჭირდება შესასწავლად, რადგან ამ პროცესს მივყვებით და გვაქვს უფლება, რომ ეს ქეისი წავიღოთ პირდაპირ მთავრობაში გადასაწყვეტად. ამ შემთხვევაში ბიზნესომბუდსმენს დასჭრიდებოდა მინიმუმ ერთი თვე შესასწავლად. ეს დრო საჭიროა იმისთვის, რომ არასწორი გადაწყვეტილება არ მიიღოს, ერთმა პატარა შეცდომამაც შესაძლოა შეარყიოს მისი იმიჯი. ასევე საფუძველი იქნება იმისი, რომ მთავრობამ არასწორი გადაწყვეტილება მიიღოს. თუ რაიმე სისტემატურ გადაწყვეტილებას საჭიროებს მაგალითად, საგადასახადო კანონმდებლობაში კონკრეტული მუხლის ცვლილება, რომელიც სისტემატურად მოხსნის პრობლემას და არა კონკრეტული შემთხვევა, აქ ბიზნესომბუდსმენი ჩაერთვება. რაღაც გადაკვეთები იქნება, მაგრამ ეს არ ნიშნავს, იმას რომ რაიმე პრობლემები შეიქმნება“, - განაცხადა გიორგი პერტაიამ.

მისივე თქმით, სააგენტოს გაზრდილი ფუნქციები უზრუნველყოფს, რომ ინვესტორებს უსამართლობის შეგრძნება არ ჰქონდეთ და გადაწყვეტილებების მიღების პროცესი არ გაიწელოს. შეგახსენებთ, ეროვნული საინვესტიციო სააგენტო პრემიერ მინისტრის სახელმწიფო კონტროლის ქვეშ მარტში გადავიდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი