2019-04-26 12:33:50, 1431 ნახვა
რეგიონი
ოკუპირებულ აფხაზეთში ე.წ. არჩევნებზე დამკვირვებლებად ევროპარლამენტარები მიიწვიეს
ოკუპირებულ აფხაზეთში 21 ივლისს დაგეგმილ ე.წ. საპრეზიდენტო არჩევნებზე დამკვირვებლებად ევროპარლამენტარები მიიწვიეს, - ამის შესახებ "სპუტნიკ აბხაზია" დე-ფაქტო საგარეო საქმეთა მინისტრის მოადგილეზე ირაკლი ტიჟბაზე დაყრდნობით იუწყება.
როგორც ტუჟბამ განმარტა, ე.წ. არჩევნებზე საერთაშორისო დამკვირვებლები მიიწვიეს, მათ შორის ევროპარლამენტის დეპუტატები. მისივე თქმით, მათი მოწვევა 2019 წლის მარტში ბრიუსელში გამართულ შეხვედრაზე მოხდა.
"ევროპარლამენტის წარმომადგენლება პირობა მოგვცეს, რომ არჩევნებს დამკვირვებლების სტატუსით დაესწრებიან", - დასძინა ე.წ. უწყების წარმომადგენელმა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
