რატომ დატოვა ლაშა ჟვანიამ თანამდებობა - პრეზიდენტის პრესსპიკერი განმარტებას აკეთებს

2019-04-23 15:41:54, 1467 ნახვა

პოლიტიკა

პრეზიდენტის პრესსპიკერმა ხატია მოისწრაფიშვილმა ადმინისტრაციის ხელმძღვანელის პოსტიდან ლაშა ჟვანიას წასვლილის მიზეზებს განმარტავს.

ხატია მოისწრაფიშვილმა უარყო გავრცელებული ინფორმაცია, რომ ჟვანიას გადადგომის მიზეზი, პრეზიდენტთან დაპირისპირება და კონფლიქტი გახდა.

ამასთან, ჯერჯერობით უცნობია თუ ვინ დაიკავებს პრეზიდენტის ადმინისტრაციის ხელმძღვანელის თანამდებობას.

„ბატონი ლაშა საქართველოს პრეზიდენტის ადმინისტრაციაში მოვიდა საპატრიარქოდან, სადაც ის წლების განმავლობაში მუშაობდა. ის მოვიდა იმ პირობით, რომ მას შემდეგ, რაც აქ დალაგდებოდა მენეჯმენტი, გარკვეული დროის შემდეგ ის შეძლებდა უკან დაბრუნებას. ჯერჯერობით არანაირი კანდიდატურა, ყოველ შემთხვევაში ისე, რომ ჩვენთვის ცნობილი იყოს, არ განიხილება. არანაირი დაპირისპირება არ არის“, - განაცხადა ხატია მოისწრაფიშვილმა.

ცნობისთვის, ლაშა ჟვანია საქართველოს პრეზიდენტის ადმინისტრაციის ხელმძღვანელის პოსტი 19 აპრილს დატოვა და პატრიარქის ფონდში დაბრუნდა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან