ტურისტული დიპლომატიის სასწავლო კურსი აჭარაში  დასრულდა. 60-მდე გიდსა და ტურიზმის ფაკულტეტის სტუდენტებს სერტიფიკატები აჭარის ტურიზმის დეპარტამენტის თავმჯდომარემ, ბათუმის სახელმწიფო უნივერსიტეტის რექტორმა და დიპლომატიური ინსტიტუტის ელჩ-მკლვევარებმა გადასცეს. სამდღიანი ინტენსიური კურსის დროს მონაწილეები ქვეყნის საგარეო პოლიტიკის მნიშვნელოვან პრიორიტეტებსა და სტრატეგიას გაეცნენ. სასწავლო კურსზე ლექციებს დიპლომატიური ინსტიტუტის ელჩი-მკვლევარები და საგარეო საქმეთა სამინისტროს სხვადასხვა დეპარტამენტის ხელმძღვანელები კითხულობდნენ. ბათუმის შემდეგ სასწავლო კურსი ქუთაისში ჩატარდება.

„ეს იყო ძალიან საჭირო სასწავლო კურსი გიდებისთვის. ყველა ის თემა, რომელზეც ლექციებს პრაქტიკოსი დიპლომატები კითხულობდნენ ძალიან მნიშვნელოვანია იყოს გააზრებული იგივე ოკუპაციასთან, ევროკავშირი-ნატოს ინტეგრაციასთან, საქართველოს ეკონომიკურ-კულტურულ დიპლომატიასთან თუ საგარეო პოლიტიკის სხვა პრიორიტეტებთან მიმართებაში. საინტერესო და აქტუალური კურსისთვის მინდა მადლობა გადავუხადო ლევან მიქელაძის სახელობის დიპლომატიური სასწავლო და კვლევითი ინსტიტუტისა და ტურიზმის ეროვნული ადმინისტრაციის მენეჯმენტს. ჩვენ ერთობლივად განვახორციელეთ კურსი აჭარაში მოქმედი გიდებისთვის, რაც ვფიქრობ დაეხმარება მათ ქვეყნის საგარეო პოლიტიკასთან დაკავშირებით ტურისტებისთვის სწორი და კომპეტენტური ინფორმაციების მიწოდებაში", - განაცხადა აჭარის ტურიზმის დეპარტამენტის თავმჯდომარე სულხან ღლონტმა.

(NS)

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა

ლექსო ლაშქარავას მკვლელობიდან 5 წელი გავიდა, შემსრულებლები გარეთ არიან, ორგანიზატორები დაუსჯელები