ფიზიკური პირის საზოგადოებრივ საქმიანობაში უანგაროდ და ნებაყოფლობით ჩართვა კანონით დარეგულირდება.

პარლამენტში „მოხალისეობის შესახებ“ კანონის პროექტი დარეგისტრირდა, რომლის ინიციატორიც იურიდიულ საკითხთა კომიტეტია.

პროექტის თანახმად, მოხალისე შეიძლება იყოს 16 წლის ასაკის და ზევით. 16 წლამდე არასრულწლოვანი მოხალისეობით ურთიერთობაში მონაწილეობას მიიღებს მისი კანონიერი წარმომადგენლის ან მზრუნველობის/მეურვეობის ორგანოს თანხმობით, თუ მოხალისეობით ურთიერთობა არ ეწინააღმდეგება არასრულწლოვნის ინტერესებს, ზიანს არ აყენებს მის ზნეობრივ, ფიზიკურ და საბაზო განათლების მიღების უფლებასა და შესაძლებლობას.

მოხალისეთა შრომის გამოყენების შესაძლებლობა ექნება რეზიდენტ ან არარეზიდენტ არასამეწარმეო იურიდიულ პირს ან მის ფილიას, საჯარო სამართლის იურიდიულ პირს. ასევე, მოხალისედ მუშაობა შესაძლებელი იქნება ავტორიზებულ საგანმანათლებლო და სამედიცინო დაწესებულებაში, საერთაშორისო ორგანიზაციასა და ადგილობრივ თვითმმართველობის ორგანოში. მასპინძელი ორგანიზაცია არ შეიძლება იყოს პოლიტიკური გაერთიანება. მასპინძელი ორგანიზაცია უფლებამოსილი იქნება, მოხალისის კვალიფიკაციის ამაღლებაზე იზრუნოს. ასევე, ვალდებული იქნება მოხალისეობის განხორციელებისას დაკავშრებული ხარჯები აანაზღაუროს, უზრუნველყოს მოხალისე უსაფრთხო გარემოთი.

კანონპროექტი საზოგადოებრივად სასარგებლო საქმიანობის აქტივობებს არ განსაზღვრავს.

მოხალისედ ყოფნის დროს პირს შეუნარჩუნდება უმუშევრობის სტატუსი და უფლება ექნება, ისარგებლოს იმ

შეღვათებითა და დახმარებით, რომლებიც უმუშევართათვის კანონმდებლობით არის გათვალისწინებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი