აბესაძე - ქობულიას გათავისუფლება შესაძლოა, ივანიშვილის გარემოცვასთან კონფლიქტს უკავშირდებოდეს

2019-04-19 13:08:43, 1468 ნახვა

პოლიტიკა

ეს შეიძლება უკავშირდებოდეს სახელმწიფო სტრატეგიული და მნიშვნელოვანი ობიექტების პრივატიზაციის პროცესს, რომლის ხელში ჩაგდებას შესაძლოა ცდილობდეს უჩა მამაცაშვილი, - ასე გამოეხმაურა „ევროპული საქართველოს“ წევრი ირაკლი აბესაძე, ყოფილი ეკონომიკის მინისტრის, გიორგი ქობულიას თანამდებობიდან გადაყენების ფაქტს.

დეპუტატის შეფასებით, ქობულიას გათავისუფლების მიზეზი რომ ცუდი მუშაობის შედეგი არ შეიძლება იყოს.

„კარგად გამოჩნდა რომ ეკონომიკის მინისტრი გადააყენეს და მას ჰქონდა დაპირისპირება პრემიერ-მინისტრთან. ეს შეუძლებელია უკავშირდებოდეს მის ცუდ მუშაობას იმიტომ, რომ ასეთია მთელი მინისტრთა კაბინეტი „ქართული ოცნების“. შესაბამისად ეს შეიძლება უკავშირდებოდეს სახელმწიფო სტრატეგიული და მნიშვნელოვანი ობიექტების პრივატიზაციის პროცესს, რომლის ხელში ჩაგდებას შესაძლოა ცდილობდეს უჩა მამაცაშვილი თუ ივანიშვილის გარემოცვის და ოჯახის წევრები სხვადასხვა ხერხებით“, -განაცხადა ირაკლი აბესაძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან