შავგულიძე: უმრავლესობის კანონპროექტი „მოსამართლეთა კლანს“ ერთპიროვნული გადაწყვეტილების მიღების შესაძლებლობას უტოვებს

2019-04-15 12:18:26, 1400 ნახვა

პოლიტიკა

უმრავლესობის კანონპროექტი იუსტიციის საბჭოში გაბატონებულ მოსამართლეთა კლანს უტოვებს ერთპიროვნული გადაწყვეტილების მიღების შესაძლებლობას, - ამის შესახებ „ევროპული საქართველოსა“ და თავისუფალი დემოკრატების“ კანდიდატმა მთაწმინდის შუალედურ არჩევნებში შალვა შავგულიძემ განაცხადა.

როგორც მან განაცხადა, მმართველი პარტიის მიერ მომზადებული ინიციატივა, სასამართლო სისტემაში არსებულ პრობლემას ვერ პასუხობს.

ამასთან შავგულიძე პარლამენტის იურიდიული კომიტეტის სხდომას ესწრება.

„მოსამართლეობის კანდიდატთა წარდგენის კანონპროექტი, სინამდვილეში ისევ იუსტიციის საბჭოში გაბატონებულ მოსამართლეთა წევრთა კლანს უტოვებს ერთპიროვნული და თვითნებური გადაწყვეტილების მიღების შესაძლებლობას, რომ მხოლოდ საკუთარი სურვილისამებრ წარადგინონ კანდიდატები და ვერავითარი გარეშე ჩარევა მათ ნებაზე ვერ ახდენს გავლენას“, - განაცხადა შალვა შავგულიძემ.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან