2019-04-04 17:35:52, 1637 ნახვა
კომენტარი
მამუკა მდინარაძე: ქართული ჯარის მიმართ დაწყებულია მიზანმიმართული დისკრედიტაცია
ფრაქცია „ქართული ოცნების“ თავმჯდომარის მამუკა მდინარაძის განცხადებით, ქართული ჯარის მიმართ მიზანმიმართული დისკრედიტაცია არის დაწყებული.
მისი თქმით, ხშირად არის მცდელობა, რომ სამხედრო ძალები პოლიტიკურ პროცესებში ჩაერთონ.
"სამწუხაროდ, ძალიან ხშირად ხდება ქართული ჯარის მიზანმიმართული დისკრედიტაცია. ხშირად არის მცდელობა, რომ სამხედრო ძალები პოლიტიკურ პროცესებში ჩაერთონ - ეს არის კამპანიური ხასიათის მოქმედებები, რომელსაც საზოგადოება ძალიან კარგად ხედავს. ათასი ინფორმაცია ვრცელდება, ხან ხორცი არ აქვთ ჯარისკაცებს, როცა აღმოჩნდება რომ ტყუილია, ამაზე რეაგირებას აღარ ახდენენ და კონკრეტული ტელეკომპანიების მხრიდან ბოდიშზე საუბარი ზედმეტია. ძალიან მნიშვნელოვანია ჯარის იმიჯზე ზრუნვა და პირდაპირ გეტყვით, რომ ამ მიმართულებით რაღაც გვაკლია“,- აღნიშნა მდინარაძემ.
ავტორი: ექსპრესნიუსი,
epn.ge (@expressnews.ge)
