„ყველა საარჩევნო სისტემა, იქნება ეს მაჟორიტარული, პროპორციული თუ შერეული, კარგად მუშაობს, მაგრამ რა სისტემა უნდა მოქმედებდეს საქართველოში, ეს ხალხმა უნდა გადაწყვიტოს“, - ასე გამოეხმაურა ეროვნულ-დემოკრატიული ინსტიტუტის (NDI) საქართველოს ოფისის დირექტორი ლორა თორნტონი 11 ევროპარლამენტარის მიერ გავრცელებულ წერილს, რომლის თანახმადაც საქართველო პროპორციულ სისტემაზე 2024 წლის ნაცვლად 2020 წელს უნდა გადავიდეს. 

მისივე თქმით, აღნიშნულ საკითხთან დაკავშირებით დიალოგი პოლიტიკურ ძალებთან, მათ შორის ოპოზიციური პარტიების ჩართულობით უნდა მოხდეს. 

„დიალოგი პოილიტიკურ ძალებთან აუცილებელია და მნიშვნელოვანია პროპორციულ სისტემაზე გადასვლაზე ხელისუფლებასა და ოპოზიციურ პარტიებს შორის საუბარი წარიმართოს. ბოლოს საპრეზიდენტო არჩევნებმა ქვეყანაში მძიმე დარღვევების და ხელისუფების შეცდომების ფონზე ჩაიარა და იმისთვის, რომ ქვეყნის იმიჯი გადარჩეს, აუცილებელია საარჩევნო გარემოს გაჯანსაღება. ამიტომ რომელი სისტემა უნდა მოქმედებდეს, პროპორციული თუ მაჟორიტარული, მხოლოდ ქართველი ხალხის გადასაწყვეტია. ყველა საარჩევნო სისტემა, იქნება ეს მაჟორიტარული, პროპორციული თუ შერეული, კარგად მუშაობს. მაგრამ რა სისტემა უნდა მოქმედებდეს საქართველოში, ეს ხალხმა უნდა გადაწყვიტოს. ხალხმა უნდა დაასკვნას, რომელი სისტემა უფრო კარგად გამოხატავს მოქალაქეების ნებას", -განაცხადა ლორა თორნტონმა.

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო