ევროპარლამენტარები საქართველოს პრემიერ-მინისტრს მამუკა ბახტაძეს წერილით მიმართავენ და მოუწოდებენ, ზუგდიდის #6-ე სკოლის დირექტორის ია კერზაიას გარდაცვალების საქმის გამოძიება დროულად მოხდეს. 

ევრო დეპუტატების განმარტებით, საქმეზე ობიექტური გამოძიების ჩატარება საქართველოს დემოკრატიულ განვითარებას სჭირდება. 

“ჩვენ, ევროპარლამენტის წევრები მოგმართავთ, უზრუნველყოთ სასწრაფო და საფუძვლიანი გამოძიება ზუგდიდის ნომერ მე-6 სკოლის დირექტორის, ია კერზაიაზე განხორციელებული პოლიტიკური ზეწოლის საქმეზე, მისი გარდაცვალების მიზეზების დასადგენად. ჩვენს ხელთ არსებული ინფორმაციით, ინსულტამდე რამდენიმე დღით ადრე, მან საჯაროდ განაცხადა მასზე განხორციელებული ძლიერი ზეწოლის შესახებ, რაც მმართველი პარტიის მხარდაჭერილი კანდიდატის, ახლანდელი საქართველოს პრეზიდენტის სასარგებლოდ კამპანიაში მონაწილეობას გულისხმობდა. ჩვენთვის ასევე ცნობილია, რომ საქართველოს განათლების, მეცნიერების, კულტურისა და სპორტის სამინისტრომ 2018 წლის განმავლობაშ 8 სკოლის ინსპექტირება ჩაატარა, აქედან 7 ნოემბრის თვეში განხორციელდა, საპრეზიდენტო არჩვენების პირველ და მეორე ტურს შორის. ჩვენ, საქართველოს მეგობრები ევროპარლამენტში, ველით, რომ საქართველოს მთავრობა უზრუნველყოს, რომ მომავალ არჩევნებში საჯარო მოსამსახურეები არ გახდებიან რაიმე სახის ზეწოლის ობიექტები“, - ნათქვამია წერილში, რომელსაც "რუსთავი 2" ავრცელებს. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა