11-მა ევროპარლამენტარმა საგარეო ურთიერთობათა საკითხებში ევროკავშირის უმაღლეს წარმომადგენელს, ფედერიკა მოგერინის, საქართველოში საპრეზიდენტო არჩევნებთან და ქვეყნის საარჩევნო სისტემასთან დაკავშირებით წერილით მიმართა, - ამის შესახებ ინფორმაციას "რუსთავი 2" ავრცელებს. 

ისინი ფედერეიკა მოგერინის თხოვნით მიმართავენ, საქართველოს მთავრობასთან დიალოგი გამართოს და მოუწოდოს, რომ ქვეყანა პროპორციულ საარჩევნო სისტემაზე 2024 წლის ნაცვლად 2020 წლის არჩევნებისთვის გადავიდეს. 

წერილში საუბარი, ასევე 2018 წლის საპრეზიდენტო არჩევნებში გამოვლენილ დარღვევებსა და ია კერზაიას საქმეს შეეხო.

„2018 წლის საქართველოს საპრეზიდენტო არჩვენების შესახებ ეუთო-ს სადამკვირვებლო მისიის ანგარიშში, რომელიც 1991 წლიდან ქვეყანაში ჩატარებული არჩევნების ერთ-ერთ ყველაზე კრიტიკული შეფასებას წარმოადგენს, იდენტიფიცირებულია ამომრჩეველთა ხმების მოსყიდვის, საჯარო მოსამსახურეებზე ზეწოლისა და დაშინების შემთხვევები. გარდა ამისა, საზოგადოება “სამართლიანი არჩევნები” მიუთითებს ზეწოლისა და შევიწროების შემთხვევებზე, კერძოდ ზუგდიდის მეექვსე საჯარო სკოლის დირექტორის, ქალბატონი ია კერზაიას საქმეზე. ორივე ანგარიში განგაშის ზარია ჩვენთვის, ევროპარლამენტის წევრებისა და საქართველოს მეგობრებისთვის, რომელთაც სურთ რომ ამ ევროპულმა ქვეყანამ გააგრძელოს რეფორმების გზა და შედეგად შეძლოს ევროკავშირთან ასოცირების შესახებ შეთანხმების პირობების შესრულება. მთავრობის მიერ მიღებულ გადაწყვეტილებას 2024 წლამდე გადაავადოს პროპორციული საარჩევნო სისტემის ამოქმედება, კრიტიკა მოჰყვა ყველა დაინტერესებული მხარის, ასევე სამოქალაქო საზოგადოების მხრიდან. საპრეზიდენტო არჩევნების შემდეგ, საქართველოს პრაქტიკულად ყველა ოპოზიციურმა პოლიტიკურმა პარტიამ მოუწოდა ხელისუფლებას ჩაერთოს დიალოგში 2020 წლისთვის საარჩვენო სისტემასთან დაკავშირებით კომპრომისის მისაღწევად. აქედან გამომდინარე მოგიწოდებთ, მოახდინოთ ზემოქმედება საქართველოს ხელისუფლებაზე ოპოზიციასთან ამ მნიშვნელოვანი დიალოგში ჩართვის მიზნით“, - ნათქვმია წერილში.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა