„დღეს ქვეყანაში ისეთი სიტუაციაა, ამ საქმის 3 პროცენტი მაინც, რომ გამჟღავნდეს, თავზე დაექცევათ ეს ქვეყანა“, - ამის შესახებ პანკისის ხეობაში სპეცოპერაციის დროს მოკლული თემირლან მაჩალიკაშვილის მამამ მალხაზ მაჩალიკაშვილმა განაცხადა, რომელიც სახალხო დამცველის ანგარიშს გამოეხმაურა. 

მაჩალიკაშვილის თქმით, მისი შვილის მკვლელობასთან დაკავშირებით სინამდვილეში არანაირი გასაიდუმლოებული მტკიცებულება არ არსებობს.

„ხალხის თვალში ვითომ რაღაც მტკიცებულებები აქვთ გასაიდუმლოებული, მაგრამ ლომჯარიამ რომ ჩაიხედოს საქმეში ნახავს, რომ სინამდვილეში იქ არაფერია. ფაქტებით შემიძლია დავადასტურო, რომ იქ ჩასახედი, გასაიდუმლოებული არანაირი საქმე არ არსებობს. მტკიცებულებები არ არსებობს. დღეს ქვეყანაში ისეთი სიტუაციაა, ამ საქმის 3 პროცენტი მაინც, რომ გამჟღავნდეს თავზე დაექცევათ ეს ქვეყანა. ამაში დარწმუნებული ვარ. ჩვენ ისევ ვითხოვთ საგამოძიებო კომისიას, ყველაფერი ნათლად ჩანს. მე მებრძვის პროკურატურა, პარლამენტი, ხელისუფლებაც მებრძვის და ივანიშვილიც. ყველაფერს აკეთებენ იმისთვის, რომ სიმართლე არ გამჟღავნდეს და ეს საქმე ჩაკლან. ეს არის ამათი პოზიცია, რომელზეც შეჯერდნენ, იმისთვის, რომ რამენაირად მიაღწიონ საპარლამენტო არჩევნებამდე“, - განაცხადა მალხაზ მაჩალიკაშვილმა.

ინფორმაციას "რუსთავი 2" ავრცელებს. 

ცნობისთვის, ომბუდსმენმა ანგარიში გამოაქვეყნა, სადაც თემირლან მაჩალიკაშვილის საქმეც მოხვდა. 
 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია