"ჩემი მართვის სტილი არ არის ის, რომ ვინმემ ულტიმატუმი დააყენოს მინისტრთა კაბინეტში", - ამის შესახებ პრემიერ-მინისტრმა მამუკა ბახტაძემ იუსტიციის მინისტრის თეა წულუკიანის შესაძლო წასვლასთან და ულტიმატუმთან დაკავშირებით განაცხადა. 

პრემიერის მტკიცებით, მთავრობის სხდომებზე სხვადასხვა საკითხთან დაკავშირებით მსჯელობა სისტემატიურად მიდის, რაც აზრთასხვადასხვაობას იწვევს, თუმცა ბახტაძე ამაში საგანგაშოს ვერაფერს ხედავს. 

„ჩვენ შევედით იმ პერიოდში, როდესაც საქართველოს მთავრობა ახორციელებს ძალიან კომპლექსურ რეფორმებს და ბუნებრივია, მსჯელობა ამ საკითხების შესახებ, მათ შორის მსჯელობა ინტენსიური, რომელიც გულისმხობს აზრთა სხვადასხვაობას, არის ყოველდღიური პროცესი. მე გავაკეთე განმარტება ამის შესახებ. თქვენ თუ გაქვთ ილუზია, რომ რომელიმე სამინისტრო რაღაც კანონპროექტს შეიმუშავებს და ის ავტომატურ რეჟიმში გამოდის მთავრობის სხდომაზე და განხილვები არ ხდება, ეს არის ილუზია. ჩვენ ყოველთვის გვაქვს ნებისმიერი საკითხის დეტალური განხილვა. არსებობს აზრთა სხვადასხვაობები და ჩემი, პრემიერ-მინისტრის მოვალეობაა, რომ მოხდეს საუკეთესო ვარიანტზე შეჯერება და მე ამას ყოველთვის უზრუნველვყოფ. კიდევ დამატებითი პოლიტიკური იმპულსის მიცემა ასეთ თემებზე, უბრალოდ არ შეესაბამება ჩვენი საქმიანობის შინაარსს. მომავალში კიდევ უფრო მეტი განხილვები მოგვიწევს“, - განაცხადა მამუკა ბახტაძემ

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია