„ალბათ უბრალოდ ჩემი დაცინვა გინდოდათ და მე დამცინეთ, მაგრამ საერთაშორისო დონეზე  ნუ დასცინებთ ჩვენს მეგობარ ხალხებს“, - ასე მიმართა იუსტიციის მინისტრმა თეა წულუკიანმა ფრაქცია „ნაციონალური მოძრაობის“ თავმჯდომარე რომან გოცირიძეს.

მინისტრი გოცირიძის კომენტარს გამოეხმაურა, რომელმაც აღნიშნა, რომ პარლამენტმა იუსტიციის სამინისტროსთვის სახელად „თეას“ დარქმევაზე უნდა იმსჯელოს.

„არ ვიცი რატომ უნდა მოვიხადო ბოდიში თქვენს მაგივრად, მაგრამ თქვენ ოპოზიცია ხართ, მე ხელისუფლება და ალბათ ეს არ იყო ყაზახი ხალხის დაცინვა, უბრალოდ ჩემი დაცინვა გინდოდათ და მე დამცინეთ, მაგრამ საერთაშორისო დონეზე  ნუ დასცინებთ ჩვენს მეგობარ ხალხებს. რომ იცოდეთ როგორ პატივს გცემთ, ამას არ გააკეთებდით, მაგრამ ამას თავი დავანებოთ. ბატონმა რომანმა გაიქილიკა, ხომ არ მივბაძოთ ყაზახეთსო და ნურსულთანი რომ დაარქვეს ასტანას [უკვე ყოფილი პრეზიდენტის, ნურსულთან ნაზარბაევის პატივსაცემად], იუსტიციის სამინისტროს დავარქვათ თეაო. მე არ ვიცი რა პასუხი უნდა გაგცეთ, მგონი არ არის კარგი აზრი, მაგრამ თუ გნებავთ გააკეთეთ, არ არის პრობლემა. უბრალოდ ამან ცოტა სხვა რაღაც მაფიქრებინა, ჩვენ გვქონდა წარსულში დრო, როდესაც ქართული ფული შემოვიდა და „გოციკოები“ დაარქვეს, არ ვიცი რამდენად კარგი აზრია“, - მიმართა თეა წულუკიანმა რომან გოცირიძეს.   

ავტორი: ექსპრესნიუსი,

სოციალური ქსელები

დუმამ ბალტიისპირეთის ქვეყნები სსრკ-დან გამოყოფის შესახებ შეთანხმების დარღვევაში დაადანაშაულა

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო