2019-03-20 12:30:10, 3087 ნახვა
მსოფლიო
თურქეთში 5.5 მაგნიტუდის მიწისძვრა მოხდა
თურქეთში 5.5 მაგნიტუდის სიმძლავრის მიწისძვრა მოხდა, - ამის შესახებ ადგილობრივი მედია იუწყება.
მიწისძვრის ეპიცენტრი ქვეყნის სამხრეთ-დასავლეთ ნაწილი, დენიზლის პროვინციაში იყო. მას ორი განმეორებითი 4.8 და 4.5 მაგნიტუდის ბიძგიც მოჰყვა.
სააგენტო DHA იუწყება, რომ მიწისძვრის შემდეგ დაიხურა სკოლები, თუმცა ინფორმაცია ნგრევისა და მსხვერპლის შესახებ ჯერჯერობით არ გავრცელებულა.
მედიის ცნობით, დაშავდა ერთი ქალი, რომელიც მიწისძვრის დროს აივნიდან გადმოხტა. დაზიანდა რამდენიმე შენობა.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
