შრომის პირობების ინსპექტირების დეპარტამენტში აცხადებენ, რომ ორთაჭალაში მდებარე სამშენებლო ობიექტზე, საიდანაც სამი ადამიანი ჩამოვარდა, მშენებლობის პროცესი შეაჩერეს. ამის შესახებ უწყების მიერ გავრცელებულ ინფორმაციაშია აღნიშნული.

„16 მარტს უბედური შემთხვევა მოხდა ორთაჭალაში, კომპანია „ემ.ჯი ალიანსის“ სამშენებლო ობიექტზე. დაღუპულია ორი დასაქმებული.

საცხოვრებელი კორპუსის მშენებლობისას დასაქმებული პირები შენობის გარე სარემონტო სამუშაოებს ახორციელებდნენ დაკიდული ხარაჩოს მეშვეობით, რა დროსაც მოწყდა ბაგირი და მასზე მდგომი სამი დასაქმებული სიმაღლიდან ჩამოვარდა.

მომხდარზე დაწყებულია სისხლის სამართლის გამოძიება.

შრომის პირობების ინსპექტირების დეპარტამენტმა აღნიშნულ შემთხვევაზე დაუყონებლივ მოახდინა რეაგირება და უბედური შემთხვევის მოკვლევის მიზნით დაიწყო ობიექტის შემოწმება.

დღის განმავლობაში ჩატარებული ინსპექტირების პროცესში გამოვლენილი კრიტიკული შეუსაბამობების გამო, ობიექტზე დასაქმებულთა სიცოცხლისა და ჯანმრთელობის დაცვის მიზნით, დეპარტამენტმა შეაჩერა სამშენებლო პროცესი.

შრომის პირობების ინსპექტირების დეპარტამენტი მოუწოდებს დამსაქმებლებს, უზრუნველყონ დასაქმებულთა სიცოცხლისა და ჯანმრთელობის დაცვის მიზნით „შრომის უსაფრთხოების შესახებ“ საქართველოს ორგანული კანონითა და საქართველოს მთავრობის ტექნიკური რეგლამენტებით განსაზღვრული ვალდებულებების ჯეროვანი შესრულება.

შრომის პირობების ინსპექტირების დეპარტამენტის მხრიდან შრომის უსაფრთხოების ნორმების თითოეულ დარღვევაზე, განსაკუთრებით, რომელიც ზიანს აყენებს ადამიანის სიცოცხლესა და ჯანმრთელობას, მოჰყვება უმკაცრესი რეაგირება“, – აღნიშნულია შრომის ინსპექციის მიერ გავრცელებულ ინფორმაციაში.

დეპარტამენტი აგრძელებს მოკვლევის პროცედურებს.

თბილისში, ორთაჭალაში მშენებლობიდან გადმოვარდნილი სამი ადამიანიდან ერთი ადგილზე გარდაიცვალა, მეორე კი „ამტელ ჰოსპიტალში“ გადაიყვანეს, თუმცა მისი გადარჩენა ვერ მოხერხდა.

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა