ნაცემი ახალწვეულის ეთნიკურად აზერბაიჯანელის ქაზიმ გახრამანოვის ოჯახმა თავდაცვის სამინისტროს კიდევ ერთი ჯარისკაცის წერილი გადასცა, რომელსაც სავარაუდოდ, ფულს სძალავენ, - ამის შესახებ ინფორმაციას ტელეკომპანია „რუსთავი 2“ ავრცელებს.

მათივე ცნობით, ჯარისკაცი ამ დრომდე სასწავლო ცენტრში რჩება. მას ოჯახის წევრებთან შეხვედრის უფლება არ მისცეს.

ამასთან, თავდაცვის სამინისტრომ ჯარში ფულის გამოძალვის ფაქტი დაადასტურა.

აღნიშნული ინფორმაციით, გამოძიების დასრულებამდე უფლებამოსილება შეუჩერდათ იმ დანაყოფის მეთაურებს, რომლის წევრებიც ძალადობაში ბრალდებულები არიან.

ქაზიმ გახრამანოვის ოჯახი დამნაშავეების დასჯას ითხოვს.

„რამდენადაც ვიცი, სერჟანტი მჭედლიშვილი უკვე გაათავისუფლეს, ის ეთნიკურად აზერბაიჯანელების მიმართ ყველზე სასტიკი იყო. სამხედრო ნაწილში მოსვლისთანავე მითხრეს რომ აქ ეთნიკურ აზერბაიჯანელებს ხშირად სცემდნენ და ფულს ართმევდნენ. იგივე ჩემს მიმართაც განხორციელდა, ფულს სისტემატიურად მძალავდნენ“, - აღნიშნა ქაზიმ გახრამანოვმა.

ავტორი: ,

სოციალური ქსელები

უკრაინის შეიარაღებულმა ძალებმა შეტევითი ოპერაციებისთვის სახმელეთო რობოტების გამოყენება დაიწყეს

უკრაინამ სიზრანის ნავთობგადამამუშავებელ ქარხანას, ოთხ ბორანსა და 10 ტანკერს დაარტყა

კატარის ყოფილი ემირი შეიხ ჰამად ბინ ხალიფა ალ ტანი გარდაიცვალა

პოლიციამ ჯგუფურად ჩადენილი ძარცვისა და ქურდობის ბრალდებით ხუთი არასრულწლოვანი დააკავა