"ცხადია, სრულად ვიღებ პასუხისმგებლობას იმ საკითხზე, რომელიც ეროვნული ბანკის თუ საფინანსო ზედამხედველობის სააგენტოს მიერ იქნა განხორციელებული ჩემი მმართველობის პერიოდში", - ამის შესახებ ეროვნული ბანკის ყოფილმა პრეზიდენტმა გიორგი ქადაგიძემ ჟურნალისტებს გამოკითხვის დასრულების შემდეგ განუცხადა.

ქადაგიძის თქმით, ის მზად არის ყველა კითხვას პასუხი გასცეს. 

კითხვაზე - შესაძლებელია თუ არა ის გამოკითხვაზე კიდევ დაიბარონ ქადაგიძემ ასე უპასუხა:

"ამაზე საუბარი არ გვქონია. ნებისმიერ დროს, ნებისმიერ ფორმატში მზად ვარ ვუპასუხო ყველა კითხვას. განსაკუთრებით თუ ეს კითხვები ეხება 2008 წლის მოვლენებს, თუ როგორ მოხდა რეაგირება იმ ძალიან რთულ ვითარებაზე, რაც ქვეყანაში შეიქმნა იმ დროს. ეს გამოცდილება ნამდვილად არის გასაზიარებელი და ეს გამოცდილება აღნიშნულია უამრავ საერთაშორისო დასკვნაში. მიუხედავად იმისა, ესა თუ ის ფაქტი რა ხანდაზმულობის და ვადისაა, სრულად ვიღებ პასუხისმგებლობას იმ საკითხზე, რომელიც ეროვნული ბანკის თუ საფინანსო ზედამხედველობის სააგენტოს მიერ იქნა განხორციელებული ჩემი მმართველობის პერიოდში", - აღნიშნა ქადაგიძემ და დასძინა, რომ არც ერთი კითხვა არ იყო დასმული კონკრეტულად იმ ტრანზაქციაზე, რასაც პროკურატურა „თიბისი ბანკის“ დამფუძნებლებს ედავება. 

ავტორი: ,

სოციალური ქსელები

კობახიძე ერევანში ევროპული პოლიტიკური გაერთიანების (EPC) მე-8 სამიტში მონაწილეობისთვის ჩავიდა

რა მეთოდები გამოიყენება ჟურნალისტებისა და მედიის დისკრედიტაციისთვის

რეჟიმის მიერ წნეხში მოქცეული ქართული მედია - როგორ ხვდება ოცნების პირობებში პრესის თავისუფლების დღეს საქართველო

პაპი ლეონ XIV-ე- სამწუხაროდ, ჟურნალისტების უფლება ხშირად ირღვევა, ზოგჯერ აშკარა გზებით, ზოგჯერ უფრო ფარული ფორმით