2019-02-28 16:23:51, 1466 ნახვა

---

ბობოხიძე: ხელისუფლება გვიმტკიცებდა, რომ TBC-ს საქმის საჯარო განხილვა დამაზიანებელი იქნებოდა, დღეს კი, ინფორმაციას ავრცელებს

"ევროპული საქართველოს" წევრის აკაკი ბობოხიძის შეფასებით, პროკურატურის მიერ "თიბისი ბანკთან" დაკავშირებით დღეს გავრცელებული განცხადება, იმის დასტურია, რომ ხელუსუფლება ხსენებულ საფინანსტო ინსტიტუტს ებრძვის.

ბობოხიძის თქმით, ასეთი ტიპის ქმედებებით ანაკლიის პროექტს გამოუსწორებელი ზიანი მიადგა. 

"ხელისუფლება, რომელიც 2 დღის წინ გვიმტკიცებდა, რომ "თიბისი ბანკის" და მამუკა ხაზარაძის საქმის საჯარო განხილვა ბანკს დააზიანებდა, დღეს გამოდგა, საჯაროდ, ცალმხრივად ავრცელებს ინფორმაციას ბანკის და მამუკა ხაზარაძის მიმართ. ეს კიდევ ერთხელ მიუთითებს და ადასტურებს იმას, რომ ხელუსუფლება მიზანმიმართულად ებრძვის ამ საფინანსო ინსტიტუტს. უახლოეს დღეებში რომც დამტკიცდეს მამუკა ხაზარაძის კეთილსინდისიერება, ანაკლიის პორტს გამოუსწორებელი ზიანი მიადგა. მთელი მსოფლიოს საფინანსო ინსტიტუტებისთვის გაშვებულია მესიჯი, რომ ანაკლიის პორტის მმართველი ჯგუფი არ სარგებლობს დღევანდელი ხელისუფლების კეთილგანწყობით, მეტიც, დღევანდელი ხელისუფლება ებრძვის მას", - განაცხადა დეპუტატმა. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი